Төрүүр дьахтар харысхалын туомнара

Ыарахан буолбут дьахтары өбүгэлэрбит олус харыстыыллара. Айыы – үтүөнү үөскэтэр, саҥаны айар, кэскили тэнитэр күүс. Төрүүр дьахтар хас да харысхал туомнардаах.

Сыттыгын анныгар, атаҕар этиҥ түспүт маһын укта сылдьыахтаах.

Ыарахан дьахтар оһоххо иһин көрдөрбөт.

Булт тэрилин тыытыа, атыллыа суохтаах.

Сылгы хараҕын сыатын, муннун, сүөһү хаанын баайыытын сиэбэт.

Сиэтэҕинэ, оҕо хараҕа тардыалыы сылдьар, оһоҕоһо бааллар дииллэрэ.

Буспут куурусса, кус сымыытын уоһаҕын сиэбэт: оҕо тыла мөлтөх буолуон сөп.

Төрүөр диэри сүөһү хаанын көрүө суохтаах.

Бэйэтин уонна атын киһи да баттаҕын кырыйбат.

Дьону сиилиир, кырыыр тыллары туттубат, дьоҥҥо куһаҕаны оҥорбот, хаһыытаабат-ыһыытаабат, мээнэ этэн көрө-көрө күлбэт. Ол барыта оҕотугар бэриллэр эбэтэр олоҕор охсуулаах буолар дииллэр.

Киһини көмүүгэ сылдьыбат, өлбүт киһини илдьибит суолларынан хаампат, өлбүттээх остуолугар ууруллубут аһы сиэбэт