*Саҥа төрөөбүт оҕону көрсүү сиэрэ-туома.*

Бастатан-туран дьиэни-уоту бүтүннүү үрдүлүүн-аннылыын сууйан-сотон бэлэмниигит,туттуллубат,эргэ малтан,таҥастан босхолуугут.

Иккиһинэн-аһаҕас уокка алаадьы хобордоох маҥнайгы олордуутун айах тутан,дьиэ иччитин саҥа киһи иһэр диэн аһатаҕыт,суорат арыы эбии ууруллар,оһох суох буоллаҕына туох эмит иһиккэ уоту оттуохха сөп, ол уоккут уонна аскыт тобоҕун бөххө бырахпаккыт,кулун дьиэ тула кутаҕыт,оттуллубут иһитигэр мас ордуо суохтаах ол иьин бөдөн маһы туттуман,ас тобоҕо хааллаҕына ыкка сиэтэр ордук,ыккыт суох буоллаҕына атын да ыт сиирэ барсар,тоҕо диэтэххэ ыт тэлгэһэ иччитин сирэйдиир.Оҕо кэлиэр дылы күлү тохпоккут.О5о кэллэҕинэ кырдьаҕас киһи баар буоллаҕына оҕо сүүһүгэр күлү таҕаан тойон эрбэҕинэн бэлиэ ууруохтаах.Кырдьаҕас киһи суох буоллаҕына аҕата,эбэтэр ийэтэ.Ону тэҥэ эр киһи дьиэҕэ туттар малыттан илиитигэр таҕыйыллар,(оҕо кыыһыттан уолуттан тутулуга суох)"кэлин дьиэлээх-уоттаах кэргэттэрдээх киһи буол" диэн туран. Аан бастаан утуйар түүнүгэр хайаан да тэллэҕин анныгар эргэ кыптыый ууруллуохтаах,эбээ киэнэ ордук барсар ол кэннэ атын кэмнэргэ ылыллыан сөп!