Мин кэпсээним 8 чааһа

Оннук ПЦ киирдим анализ бөҕө ыллылар, көрдүлэр уонна балыаһаҕа киллэрдилэр. Мин хотуолуур иһиппин илдьэ сылдьабын. Каталкаҕа олордоннор бастаан реанимацияҕа иттилэр. -"Саха кыргыттара бу туох ааттаах тулуурдааххытый, партизанныыргытын наһаа сөбүлүүгүт" диэн замечание ыллым. Үлэһиттэр бары үөрэ-көтө, бу сыһыаннара үчүгэйэ. Реанимация бырааһа эдэр уол этэ киирэн көрдө уонна -"Эн олох аһаабат эбиккин, билигин систиэмэ, укол кэннэ арыый буоллаххына аскын хас 15мүнүүтэ буола-буола биирдии ложканан аһаан саҕалаар, тута элбэҕи аһаабаккын. Эһиги үчүгэй буоллугут эрэ наһаа элбэҕи аһааҥҥыт эмиэ хотуолаан киирэн бараҕыт" диэтэ. Мин ону истэн икки күн оннук аһаатым. Реанимацияттан палатаҕа түргэнник көһөрбүттэрэ. Ол эрэн син биир олох үчүгэй буолан хаалбатаҕым. Сытан эрэн бырааспыттан оҕом үчүгэй ини диэн ыйыппыппар бырааһым -"Эн оҕоҕун санаама, бэйэҕин толкуйдаа, оҕон искэр сылдьар кэмигэр "паразит" курдук эн аһаабат да буоллаххына битэмиинин бэйэҕиттэн ылар син биир" диэн өйдөнөр гына быһаарбыта. Ол кэннэ чэпчээтэхпиэн. Бастакы скрининг ПЦ ааспытым барыта үчүгэй этэ. Балыаһаҕа сытан 12 нэдиэлэбин лаппа таҕыстым уонна саныыбын оҕобун 25нэдиэлэҕэ диэри илдьэ сылдьыахтаахпын диэн настройка бөҕө. Ханна эрэ истибитим 25нэдиэлэҕа төрөөбүт оҕолор киһи буолаллар диэн. Син өр сыппытым кыралаан боростуой астары сиир буолбутум уонна олох үһүс триместрбар диэри хотуолаабытым, син киһи тулуйар токсикоһа этэ. Онтон хара төрүөхпэр диэри өгүтэрэ син биир хаалбыта. Долгуйа долгуйа гендердаабыппыт уол😍 үөрүү бөҕө биһи. Хата таҥара эрэйбитин көрөн кыыс кэннэ уолу биэрбит диэн дьол. Быраастар утары бараннар декретка барыахпар диэри больничнайтан больничнайга сылдьыбытым. Наһаа разницалаахтарын иһин өссө иккис кэргэнин дуо? Игин диэччилэр😂 суох буоллаҕа дии. Элбэх тургутууну ааһан 8сыл күүтэн улахан кыыспыт 11сааһын ааһыыта иккис оҕобут уолбут Эрчимэн 42нэдиэлэтигэр күн сирин көрбүтэ😃😍 Уол аны тахсымаары өр да күүттэрбитэ😃😃😃 онтон ол кэннэ үс сылынан иккис уолбун туох да улахан мэһэйэ суох оҕоломмутум.

Онон хаһан да санааҕытын түһэрбэт буолун🙌 Уолаттарбын таҥара бэлэхтэрэ диэн ааттыыбын. Бу уһун ыарахан, элбэх харгыстаах суолбутун кэргэмминээн сүрдээҕин тулуйбуппут диэн бэйэбэр уонна киниэхэ махтанабын☺️ Тургутуу бөҕөнү аастахпыт дии. Бу түгэннэр миигин дьону үчүгэйдик билбэккэ сылдьан нууччалыы эттэххэ "осуждайдаабат" , ымсыырбат буоларга үөрэппитэ. Хас киһи барыта туспа суоллаах, ол суолларбыт барыбытыгар тус туспа тургутууну бэлэмнээн турдахтара. Сахалар биһиги того эрэ наһаа ымсыыбыт уонна олох "тактичнайа" суох буолааччыбыт. Бэйэ бэйэни харыстаһыах уонна саамай сүрүнэ оҕолорбут доруобай буоллуннар диэн баҕа санаалаахпын🙌

Маннык суруйан баран наһаа чэпчээтим дии🙌 баҕар биһи курдук эмиэ оҕолонуон баҕарар кыргыттарга холобур буолуо. Салгыы баран иһэллэригэр, санаалара бөҕөргүүрүгэр, күүстэригэр күүс эбиэ диэн эрэнэбин