Как пережить карантин с семьей? Советы мамочек

Мин кэпсээним 7 чааһа

Карантин миигин элбэххэ үөрэппитэ. Барыбытын да буолуо ди? Дьиэҕэ олорон элбэҕи толкуйдуур, ааҕар буолбутум. Онно дьэ тоҕо мин кэргэним дьонун сөбүлүө суохтаахпыный? Кинилэр биһи туспутугар өрүү кыһаллаллар, куруук биһиэхэ ыалдьаллар. Дьиҥэ наһаа үчүгэй бииргэ төрөөбүттэрдээх, биир куһаҕан тылы бу тухары миэхэ эппэтэхтэрэ. Аһаҕас сүрэхтээх, көнө майгылаах дьон ону биир киһи, биирдэ, мин санаабар сыыспытыттан сылтаан кыыһырдыбыт эрэ😅 аһара барыы курдук ди. Били барыта наһаа үчүгэй буоллаҕына "с жиру бесишся" дииллэрин курдук кэбилэнэ сылдьар эбиппин өйдөөбүтүм. Хайдах оччотооҕу миигин, кэргэним тулуйбутун бэйэтэ эрэ билэр. Саҥата суох сылдьыам дуо итиччэлээҕи ааһан баран, куруук санатар этим -"эн билбэккин мин тугу ааспыппын, проблемабын кытта саамай наадыйар кэммэр соҕотох хаалларбытын, наадыйбатаҕын" дии дии кыыһырдаҕым аайы санатааччым, отой буллинг диэбит сымыйа😅🙈 маннык реакциялаахтар син элбэх инибит ди. Ол барыта санаарҕыырбыттан дии саныыбын. Наһаа элбэхтэ оҕо куотан санааҕа баттата сатаан баран депрессивное состояние курдук буолбута. Баран үлэлиибин, үлэбиттэн кэлэн сытабын. Олоххо интириэс суох курдук буолан хаалбыта, күн барыта биир курдуга. Хайдах эрэ барыны бары негативнай өттүн көрөр буолан хаалбытым, өрүү кыыһыра, ньиэрбэнэйдии сылдьарым. Бу кэмнэргэ кэргэммэр эрэ буолбатах оҕобор, чугас дьоммор кытта ыарахан этэ.

Бу маннык туруктан миигин карантин быыһаабыта.

Чэ ити кыра киирии курдук буолла. Аны беременноспар төннүүм. Олус күүскэ үөрбүппүт, ол эрэн куттал ханна да сүппэтэҕэ. Куруук сылдьан эрэ таҥараттан, өбүгэлэрбиттэн көрдөһөбүн, ол быыһыгар махтанабын маннык үчүгэй туохха да тэҥнэммэт бэлэх оҥорбуттарыгар. 7 нэдиэлэ тухары харыстаан, миэхэ биллэрбэккэ илдьэ сылдьыбыттарыгар.

Өр толкуйдаабакка улууспут киинигэр учуокка тура бардыбыт. Миигин наһаа элбэхтэ оҕон куоппут эбит 9нэдиэлэҕин лаппа ааһан баран, эбэтэр төрүт даҕаны 12нэдиэлэн саҕана кэлээр диэтилэр🥲

Чэ инник курдук күүтүү саҕаланна. Бу сырыыга олох кистээбэтим үлэбэр тута эттим, чугас дьоммор биллэрдим. Кистиир хайдах да сатаммат курдуга саҥа дьыл түбүктэрэ саҕаланаары тураллара онно арыый сынньалаҥнык сылдьыам диэн инник быһаарыыны ылбытым. Дэриэбинэ барыта биллэҕэ дии ол кэннэ😅 хайдах эрэ бары наһаа үчүгэй харыс сыһыаннаах этилэр.

Онтон саҕаланна ээ🙈 токсикоз. Иэдээн дьыала, кыыспар токсикозтаабытым да эдэр буолан аһарыммыппын быһылаах, билигин буоллаҕына олох сытынан бистим, больничнайтан больничнайга сылдьабын, биир ый иһигэр уонтан тахса киилэ түстэ, хата син саппаастаах кыыс буоламмын тостор ырыган буолбатаҕым. Саҥа дьылга олох сыттым, санаабар гинекологпар бараары үлэ күннэрин күүтэбин. Ол сыл саҥа дьылыгар тахсан остуолга олорон хаартыскаҕа эрэ түстүм, уу истэхпинэ кытта хотуолуубун. Сыттан барытыттан куһаҕан буолабын, дьиэбитигэр ас астаабаппын да астаппаппын даҕаны дьонум мин ийэлээх аҕабар баран аһаан кэлэллэр. Каникулларга балтым кэлэ сылдьыбыта, көрөн баран наһаа соһуйда уонна того балыаһаҕа барбаккын диир. Мин буоллаҕына дьон курдук 12 нэдиэлэбэр ааһыа, ити ааһыа бу ааһыа дии сыттым. Онтон үлэ күннэрэ саҕаланнылар мин оронтон нэһиилэ туалетка эрэ барабын кэлэбин, сэниэм суох олох сытабын. Манна бэйэбит быраастарбыт систиэмэлии сатыыллар олох көмөлөспөт. Ыйааһыным түһэ турар. Онтон биир күн балтым эрийдэ уонна өссө да сытабын диэбиппэр кэргэнин ыытта уонна -"Олох куоракка кэл! Это не нормально!" Диэтэ. Күтүөтүм миигин көрбүтүн көрүөххүт этэ. -"Жеска ырбыккын дии!!!" диэн саҥа аллайан баран бэйэтэ да мух-мах барда быһылаах. Оннук куоракка эмиээ ПЦбар айаннаатым. Ол баран иһэн куттанабын, арай наһаа элбэҕи түһэрбиккин, тулуйуо суоххун ыраастыыбыт диэтиннэр игин диэн санаарҕыыбын.

Салгыам😉