Как пережить 6 недель с малышом? Советы мамочек

Мин кэпсээним 6чааһа
Уһаппакка сыл аҥаарынан эмиэ берем буоллум үөрүүм да көтүүм. Ол эрээри син биир испэр куттанабын. Хайдах эрэ гынан 6 нэдиэлэбэр тиийдэрбин диэн. 5нэдиэлэм саҥатыгар эмиэ мазайдаата😭 онно олох иэдэйдим хайдах манныгый? Того манныгый? Того чопчу миэхэ эрэ маннык буоларый? Кыра оҕолоох дьону көрдөхпүнэ наһаа ымсыырабын. Өссө, айка сылайдым оҕо көрөртөн игин диир кыргыттары иһиттэхпинэ төһөлөөх дьоллоохторун бэйэлэрэ да билбэккэ сылдьаллар диэн эмиэ кыһыйа саныыбын. Айка эмиэ берем буолбуппун диэтэхтэринэ олох да өлө сыһааччым. Оҕоҕо үөрбэт дьоҥҥо барыларыгар чэпчэки баҕайытык табыллан хаалар курдуга. Ол быыһыгар саҥа улахан дьиэ туттан киирдибит. Үһүөн үөрүү да көтүү. Онно баҕас дьэ дэриэбинэ дьоно бары -"Өссө хаһан оҕолоноҕут?" Дииллэрэ элбээбитэ. -"Дьэ ити дьиэҕитин аны оҕонон толоруоххутун наада, үһүөн эрэ олоруоххут дуо?!" Игин диэччилэр бааллара. Киһи бааһын оһордо сатыырын, өйдөт да өйдөт. Эн өссө оҕолонор былаанын суох эрээри тоҕо иччэ улахан дьиэ тутуннун эрэ диэбэтэхтэрэ быһылаах. Саамай ыарыылаах, сүрэхпин хаанынан ытатар боппуруос ити этэ. Таскар күлэн биһэҕин, сымыйанан үөрбүтэ буолаҕын. Искэр хаһытыаххын баҕараҕын. Ону билбэт киһи өйдүө дуо?
Бу сырыыга хаһааҥҥытааҕар да түргэнник хааным баран оҕом куоппута эмиэ ПЦ бардым, эмиэ таблетка уктулар уонна балыаһаҕа киллэрдилэр. Палатабытыгар үһүө этибит мин киирээт истиэнэ диэкки хайыһан сытан олох сатаан туттуммакка улахан баҕайытык ытаатым. Ону кыргыттар биһи эмиэ бэҕэһээ инник этибит ытаа ытаа чэпчиэҕин дэспиттэрэ. Кэнники инник выкидыштары барыбытын бииргэ, беременнайдары бииргэ сытыарар буолбуттар эбит этэ. Ол иһин кыргыттарбын кытта бары биир кыһалҕалаах дьон сытабыт. Оннук кэпсиир, өйдүүр дьонноох буолан сүтүкпүн чэпчэки соҕустук аһарыммытым. Бырааһым кэпсээммин истэн "привычный выкидыш" аныгыс оҕолоноору гыннаххына МЦ баран генетиктарга көрдөрөн баран берем буолаар диэн сүбэлээбитэ. Оннук эбит олох үчүгэйдик көрдөрүнүөхпүн наада диэн күүстээх санаа киирэн балыаһаттан тахсаат направление ылан МЦ генетиктарыгар көрдөрөн саҕалаабыппыт. Кэргэним барытыгар иннинэн, ол сылдьан наһаа элбэҕи дьэ арыллан кэпсэппиппит. Онно кини эмиэ хайдахтаах курдук санаарҕаабытын, төһөлөөх санаа батаабытын барытын кэпсээбитэ. Ол кэннэ дьэ кыралаан кэргэммэр тута сылдьыбыт хом санааларым, сүрэхпэр батары киллэрбит баастарым оһон барбыттара. Генетиктартан ыйытар ыйытыым того маннык буоларый? Диэн буоллаҕа🥺 ону биир быраас үчүгэй баҕайытык -"биһи эмиэ всесильнай буотахпыт, туохтан сылтаан маннык буолбутугар чопчу эппиэт биэрбэппит, ол эрэн быһаара сатыахпыт" диэбитэ. Онтон хараҕым аһыллан кырдьык даҕаны медицина барытын син биир быһаарар кыаҕа суох буоллаҕа. Оннооҕор эн хаһан да оҕоломмоккун диэбит дьонноро оҕолоноллор эбээт. Кырдьык даҕаны олоххо араас буолар дии санаабытым. Онон "не все потеряно" диэн буолбута. Аны көрөллөрө уһатан кэҥэтэн. Көрдөрбүт дьон билэргит буолуо. Биир күн приём онтон хаһан эрэ анализ, онтон хаһан эрэ атын бырааска приём ол быраас эмиэ атын анализтары аныыр. Сыл аҥара курдук көрдөрбүппүт кэннэ пандемия саҕаланна. Көрдөрө кэлимэн краснай зона буоллубут диэн тохтотон кэбиспиттэрэ.
Саас кэргэмминэээн наһаа күүскэ ыарыйдыбыт, хата оҕобут сыстыбата. Хас эрэ күн буолан баран анализ кэлэн ыллылар отрицательнай этэ. Ол да буоллар ыалдьа сытар дьон ыбылы эмтэннибит. Кып кыраны хаамаары үттү аҕалас буолабыт, сэниэбит олох суох иккиэн сытабыт. Эмтэнэн син өрүтүннүбүт ээ😅 төһө да ааспытын иһин куһаҕан да ыарыы этэ. Эппититтэн эмп сыта кэлэ сылдьар буолуор диэри элбэх эми испиппит. Пандемия саҕаланна. Ол күһүнүгэр үлэбитигэр таҕыстахпыт дии. Берем буоларбын күүтэн күүтэн кэнники күүппэт да буолбутум. Эмиэ үлэҕэ умса түһүү, тест игин туһунан букатын умуннум, женскай журналбын кытта телефонум памята туолан сотторбутум. Ол сылдьан дьүөгэбинээн аргыстаһан иһэбит арай кини ыйытар. -"Эн биһи циклбыт биир дии, эйиэнэ кэлбитэ дуо?" Диэтэ дьэ айахха бэрдэрдим, ах бардым. Син өр толкуйдаатым, аахтым онтум задержкалаабытым 2с ыйыгар барда дуу диэбиппин киһим. -"Эн хайдах аахпаккын, өйдөөбөт буоллаххына саатар женскай журналга сурунуоххун!" диэтэ. Мин бэйэбин акаары курдук сананным😅😂 кырдьык даҕаны диэн дьиэбэр тиийэн тестанным. Баһаалыста кып кыһыл иккис полоска😄😄😄 кэргэммэр эттим кэргэним аж соһуйан -"Кимтэн?!"диэтэ. Ааҕан көрбүппүт 7нэдиэлэбит эбит номнуо били "злополучнай" 5нэдиэлэбит ааспыт, мин буоллаҕына билии суоох.
Салгыы суруйуом