Желанная беременность? Как все начиналось: садик, школа и первая беременность! Подробности

Мин кэпсээним 1чааһа
Кэргэмминээн ыал буолаат дэриэбинэҕэ үлэлээн саҕалыах диэн тута быһаарыммыппыт. Онон үөрэхпитин бүтэрээт икки саастаах оҕобутун кыбыммытынан дэриэбинэҕэ көһөн кэлбиппит. Иккиэн оскуолаҕа үлэлии киирбиппит, туох да наһаа үчүгэй сыллар этэ. Эдэрдэр элбэхпиит, сүүрбэччэ этибит. Дэриэбинэ оскуолатыгар ол элбэх ээ. Дьэ саҕаланна ээ түүннэри күнүстэри үлэ, күрэхтэһиилэр, бэлэмнэр, тэрээһин бөҕө онно сөп буолбакка нэһилиэк тэрээһиннэригэр эмиэ кыттабыт дьиэбитигэр утуйа эрэ кэлэр кэмнэр кытта бааллара. Ол сылдьан биирдэ өйдөөбүппүт оҕобут улаатан ырааппыт биһи биир эрэ оҕолоохпут саас да күүтэн турбат, бириэмэ баран иһэр эбит. Оҕолонуохха диэн былааннаан күүтэн кэтэһэн берем буоллум. Үөрүү-көтүү, испэр баар оҕону номнуо таптыыбын, кинилиин кэпсэтэбин, ол эрэн үлэлээбитим курдук син биир түүннэри күнүстэри үлэлиибин. Харыстаныах баара дуо? Суоох. Гормон оонньоон ытаабат бэйэм наһаа ытанньах буолбутум ол кэмҥэ. Кыраттан да ытаан маккырыы сылдьарым. Кэргэммэр атаахтаан аһары барыы да баара. 4нэдиэлэм ити сылдьан ааста, кимиэхэ да эппэккэ кистиибит. Ыам ыйа элэҥнэччи ааста, уоппускаҕа барыы буолла Арай биир үтүө күн ыйдааҕы кэлээри гыммытын курдук иһим түгэҕэ ыарыйда. Ол эрэн мин аахайбатым, гуглга киирэн көрдүм куттала суох инник буолар ол норма диэн суруйбуттар этэ.
Оннук ыалдьан ыалдьан баран аны мазайдаата, мин эмиэ гугллаатым онтум эмбрион прикрепись гынарыгар инник эмиэ буолар диэн суругу ааҕа биэрдим уонна ээ кырдьык оннук быһылаах диэн уоскутуннум. (Саатарын бэйэм даҕаны элбэҕи аахпыппыттан өрүү үчүгэйин талан итэҕэйэ сатыыбын). Ол эрэн мазайдыыра сарсыныгар күүһүрдэ, мин куттанан гинекологпар сүүрэн тиийдим, срочно улуус киинигэр гинекологияҕа киир диэтэ. Мин лучше куоракка киириэм диэн кэлэн скорай ыҥыран гинекологияҕа бардыбыт. Кэргэним кыыһынаан дэриэбинэҕэ хааллылар
-"Беременность желанная?" -диэн ыйыппыттарын "да" диэн бөҕө буоллаҕа, балыаһаҕа уган бистилэр. Тутатына капельница укол анаан эмтэнии саҕаланна. Оччолорго гинекология эргэ дьиэҕэ баара. Палатабытыгар 5 кыыс буолан сытабыт.

Салгыы быыс булан суруйуом. Кэмэ кэлбит быһылаах. Уонна МЛ маннык кэпсээни таһаарарга саамай сөптөөх площадка дии санаатым🙌