Вспоминая папу в День отца: история любви и благодарности дочери

Бүгүн Аҕалар күннэрэ...Билигин аттыбытыгар баарыҥ буоллар, телефонунан звоннаан эҕэрдэлиэм эбит... Мин паапа оҕотобун☺️паапа "кутуруга" этим. Сорох дьон ийэлэрин кыра саастарыттан өйдүүллэр. Онтон мин бэйэбин өйдүөхпүттэн паапабын эрэ билэр эбиппин. Маамабын олох улаатан эрэ баран өйдүүр эбиппин.
Саамай чугас, саамай күүскэ таптыыр киһим - мин паапам. Аан бастаан алаадьы астыырга миигин паапам үөрэппитэ. Баттахпын өрөр этэ. Бастакы акка олорсон, ат миинэргэ эмиэ. Мотоцикл да ыытарга. Оҕо эрдэхпиттэн паапам ыраах бардаҕына сайыһар, күүтэр - мин.
Санаам түспүт кэмигэр паапа эрэ сатаан аралдьытар этэ... Иккиэн наар сэкириэттэһээччибит😅Бастакы таптал, аан бастаан бириэмэннэй буолбуппун паапам билбитэ.
Оскуоланы бүтэриэхпэр диэри алгебрабын, геометриябын, физикабын паапам суоттаһар этэ😅Оскуолаҕа үлэлиир кэммэр, кылааһым оҕолорун математикаларын, физикаларын паапабар суоттатан ылааччым😅Ол аата чиэппэрдээҕи сыаналарын көннөрөр быһыыбыт😅😂 Өрүү өйүүр, сирдиир, үөрэтэр-такайар этэ. Билигин наһаа да суохтуубун😔😔Спидстар киинэҕэ кырдьаҕас үлэһит саҥатын, туттар тылларын истэн баран, паапабын санаан хараҕым уута сүүрбүтэ. Паапа аттарыгар киһилии сыһыаннаһар этэ. Наһаа сымнаҕас, хаһан да кыыһыран тымта сылдьыбытын көрбөтөҕүм.
Иккиэн тэҥҥэ хас биэ төрөөбүтүн дьыл бу кэмигэр ааҕар этибит. Хайдах өҥнөөҕүн, хаһыс төрөөһүнэ буоларын. Ойуурга, сыһыыга сылдьан ыллыыр этэ.
Иккис күтүөтүн көрөөт да сөбүлээбитэ. Майгыннаһар өрүттэрдээхтэр. Уол сиэннриттэн үөрэрэ ахан. Бэйэбит биир эрэ бырааттаахпыт. Тэҥҥэ илдьэ сылдьан үөрэтэр этэ.
Саамай дьоллоох оҕо сааһы бэлэхтээбит киһибэр, аҕабар тапталым, махтанарым муҥура суох. Арыт оҕолуу санаам уһуктан, арай аптааҕым буоллар диэхпин баҕарабын. Оччотугар паапам аттыбар баар буолуо этэ... Ол эбэтэр оҕо сааспар төннөн дьоллонон ылыам этэ...
Саамай баҕа санаам, сиэннэригэр, хос сиэннэригэр, ахтыы кинигэ суруйбут киһи диэн.