Хьекъал долчу адамо цхьа минот а эрна йогIуьтийла дац хIокху буьйсанашкахь. ХIунда аьлча:

Лайлатул-къадр буьйсанна йина Iамал кхечу хан чохь йиначу Iамалелла йолехь сов йолуш ю:

1 секунд - 23 сахьтел;

1 минот - 58 дийнал;

1 сахьт - 9 шо 8 баттал;

Амма и лайлатул-къадр ерриг буьйса Iибадат деш денйиначунна, шена чохь лайлатул-къадр буьйса йоцучу 83 шарахь 4 баттахь йиначу Iамалелла сов ял хуьлуш ю.

Масала: Лайлатул-къадр буьйсанна цхьа сом сагIийна делча, 83 шарахь 4 баттахь хIора дийнахь цхьацца сом сагIийна делчулла а сов ял хуьлуш ю. Сов мелла ло а, ял сов йолуш ду.

Цхьа минот а эрна ма ягIийта. Суннат ламазаш де, Къуръан деша, сагIа ло, АллахI хьехаве, АллахIе гечдар деха, маьждигехь иIтикаф де, диканиг даржаде, иштта муьлхха а АллахIана герга вуьгучу хIуманехь совдовла.

Эрна къамелаш дарца АллахI хьехаварах шайн меттанаш дIа ма хьовзаде. Инстаграм чохь а, ютуб чохь а, иштта кхийолчу сотсетиш чохь а эрна хан ма яйъа.

Лайлатул-къадр буьйсанан билгалонаш:

1) Цу буса дог синтеме хуьлу.

2) Цу буса дог самукъане хуьлу.

3) И буьйса сирла, лепаш хуьлу.

4) Цу буса седарчий охьа ца эга.

5) Цу буса чIогIа шийла я чIогIа йовха ца хуьлу.

6) И буьйса дIаяьллачу Iуьйранна малх схьакхетачу хенахь зIаьнарш йоцуш цIена гуш хуьлу.

Рамаданан юьххьехь ледарло а йина, амма цуьнан чаккхенгахь къахьегнарг гlоли ву, юьххьехь къа а хьегна, цуьнан чаккхенгахь ледарло йиначул а.

Хьадисехь деана: «lамалш чаккхене хьаьжжина йу»

lабдул-lазиз ат-Тlарифий