Ыыахха саха танаьын иистэнэбин: сумкам, кинигэм, оуруолар, уонна мааыыннар тустарынан

Сүтэн баран иистэнэрим туһунан салҕыы суруйуом.😅 Сыл аайы ыһыахха эрдэттэн бэлэмнэниэм диэн баран тугу да гынааччым суоҕа. Быйыл былааным олус киэн.💪🏻 Тоҕо диэтэр сахалыы ыһыахха кэтэр таҥаһым туох да суох.🤭Дэйбиирдээхпин эрэ диэбит курдук.
Бастаан кыраттан саҕалыам диэммин биэс харах харысхаллаах сумка тигэн көрдүм. Мандар Уус кинигэтиттэн үтүгүннүм. Хас биирдии оҕуруону тигэр олус үлэлээх эбит.Ол иһин ыксаабакка өр да өр оҥордум.
Оҕом мэһэйдиир буолан түүннэри эрэ иистэнэбин. Онтон сылтаан наһаа сылайабын, сүрэҕэлдьээн да ылабын.🥲 Ол да буоллар баҕа санаабын толорон барытын кыра-кыралаан ситиспит киһи.🪄
Сырыы аайы Момлайф үчүгэй баҕайы сыһыарыы диэн хайҕыыбын.🥹🫶 Манна билбитим "Бисермаркет" диэн маҕаһыын баарын. Онтон оҕуруоларбын, тимир киэргэллэри ылбытым. Сотору кэһиэччик тигэн саҕалыам. Мин наадыйдахпына маҕаһыыҥҥа наар улахан эрэ размердар хаалбыт буолааччылар. Киэппин www.yktsew.ru сайтан атыыласпытым. Эмиэ Момлайфтан билбитим.💖