4 сыллаагыта саамай чугас киһибин сүтэрбитим эбиппин, Эбээбин. Билиңнээңңи диэри олох умнубаппын❤️ наар саныыбын, олохпор сүрүн киһим этэ.
Суох буолбут күнүгэр мин саңа төрөөн ийэ буолан олорор этим. Дьоннорум миигин харыстаан олох тугу да эппэттэр этэ туругун. Онтон өлөр күнүн диэки эрэ биллэрбиттэрэ мөлтөх сытарын. Похоронатыгар сылдьыбата5ым. Саңа төрөөбүт дьахтар сылдьыа суохтаах диэн. Бэйэ5ин туттун, санаа5а ылларыма диэбиттэрэ. О5ом баар буолан кырдьык улаханнык ылларбата5ым. Ол гынан баран билигин да5аны хомолтобун таһаарбакка илдьэ сылдьар эбиппин.
Кэлин уңуогар биирдэ сылдьыбытым, но эмиэ чугаһаабата5ым, о5ом кыра ыйдаах этэ. Тыыммын таһаарбакка сылдьабын, эбээбин өссө да ыыта иликпин.
Түүллэрбэр киирэн ааһар, биирдэ үсүһүн хат буолбуппар эбээбэр былааччыйа тикпиппин диибин, эбээм сиэркилэ иннигэр туран эргичиңниир, былааччыйалары мээрэйдэнэр, эдэригэр туспут курдук этэ «наһаа үчүгэй дии»диирэ, элбэх былааччыйалар тэлгэнэн сыталлара, олортон биири ылыам диэбитэ.
Онтон биир түүлбэр автобуска айаннаан иьэбин, арай дьон быыһыгар үүт үкчү эбээм курдук мөссүөннээх киһи турар, миигин көрөн билбэтиттэн дуу, көннөрү эбээм омоонун көрөн үөрүүбүттэн дуу дэлби маккыраччы ытаан уһуктубутум.