1уьйре. Хьо жим ю, школе яхаз. Дадс хьал латин телевизор чур новостиши говг1 хези сам йол хьо.

Юрг1ан бухлар хьал ялч шийл ю, амма дехь чу ях лаьъ хьун, уггаре хьалх жимм Дадиц хан якх, цул т1ахь мультикшиг хьажаъ.

Арахь охьдиллин ло ду, мамс не1 д1а массуз йоьл шийл х1аваъ дох чу, дег1е зуз доийтуш. Жимма собар дич пеша чур ц1аро юхаъ йох йо хьо.

Мама бепиг доттуш ю. Цу хаз хьожано са мацдолуьйт. Сих-сиха маман т1е а йоьдуш хоьтт ахь:

«Мам, хьа ца даьлла и?»

Мамас олу: «Х1а-х1а, кхиъ жим собар да дез»

Новостиш чекх йовлш хенахь хуьлш йол прогноз погоды хьожшаъ хаз хет хьун.

Карти т1ехь «Грозный» дош лоьх ахь хьайн и мух яз дин ду дагахь 1амина дер. Эц ведущийчо даим «в Грозном -1 градус» йа «2 градуса» олш куьг д1акховдой гойтш дагахь латтийна ахь и. Цо «Грозный» массуз ола хьа самукъ дол, цул т1ехь хаттараъ кхолло ойлнашкахь:

«Алхан-Юртаъ х1унд ца ол те цо?» бохуш.

Ткъа и Дадиг хатт аьхь хет хьун. Хьан хаъ, Дадс дов дой?!

Дада диван т1ехь 1а. Хьо – лаьттахь. Дадийн улле хьал ял аьхь хетш.

Хьа ваш Шамханаъ хуьл хьоьцани юрг1 къуйсш.

Дадс велаъ лой: «–Х1а!»

оли шегар г1айбаъ, юрг1аъ охь кхус шуьшинн.

Новостиш д1айовл, «Том и джерри» мультик йолло. Цул т1аьхь «Чип и Дейл».

Мамс шуьшинги д1аъ кхайкхли бепиг хьа даьл хьожаъ кхети шуьшиъ уча дод.

Мама хуьл кепш чур бепиг охь дуьлш.

Цу хьожано дин чоь юз.

Хьа самукъдалар кхиъ сов доли мамин гондхьа хьиз хьо, и мар йолл аьхь хетш, цун б1аьргш чу хьажарам дуьйцараъ дац.

Ишт хаз денош д1аоьх, х1ор 1уьйранна прогноз погоды чур «Грозный» даше са туьйсш, Дади юрг1ан юккъе хьаьрчаш, мами довх бепиг дууш.