Как я начала шить одежду: от старых вещей к собственному производству?

Хайдах иистэнэн саҕалаабыппын туһунан кылгастык суруйуохпун баҕардым.😊🫶Барыта син биир оҕо саастан саҕаланар.🌱 Бииргэ төрөөбүт эдьиийдээх буоламмын үксүн наар кыччаабыт, эргэ таҥас кэтэн тахсар этим.😅 Саҥа таҥаһы биирдэ эмит бырааһынньыкка эрэ ылааччылар.👗 Саатар дэриэбинэҕэ бары биир сиртэн таҥнар этибит, ол иһин бэйэн курдук таҥастаах киһини көрсөр шансын улахан буолааччы.🤭 Билигин да оннук фобиялаах эбиппин.🤡
Ол иһин 5 кылаастан таҥаһы уларытан саҕалаабытым.✂️ Биирдэ уоран былыргы эбээбит иистэнэр массыынатынан тикпитим. Ол кэннэ улаханнык кэмсиммитим да, үөрбүтүм да. Аймахтарбыттан заказ киирбитэ, хас да постельное белье тикпитим каникулбар.😆
Ийэм интэриэстээхпин өйдөөн көрөн, иистэнэригэр аттыгар олордор этэ, таҥас сыыһын барбибар анаан мунньубут буолааччы.🥹 Барбим бэйэбинээҕэр элбэх таҥастаах, унтуу кытта тикпитим.😅
Саҥа саҕалыыр дьоҥҥо сүбэлиэхпин баҕарабын: элбэхтэ тигиэххэ наада.🫰 Оччоҕуна эрэ киһи үөрэнэр. Урут сатамматаҕына наһаа хомойооччум, таах бириэмэбин, харчыбын бараатым диэн. Билигин чэпчэкитик сыһыаннаһабын. Миэхэ иис туохтааҕар да күндүнү биэрэр эбит - дуоһуйууну уонна уоскуланы.😌🪄
Быйыл үлэбэр тахсыахтаахпын.👀 Бэйэбэр тугу тиктибит киһи диэн толкуйдуу сылдьабын.🤔 Маннык суруйар наһаа да үчүгэй эбит.💖