Одиночество и забота

“Ешкімге масыл болмай өмірден өзсам , арманым жоқ”. Әже.

5 уақыт намазында осы тілекті сұрайтын 84 жасар әжем қазір төсек тартып жатыр😭 Әкем отбасының кенжесі болғасын, біздің үй қара шаңырақ еді. Әкем 6 ағайынды. Алдында өзінен үлкен 5 апасы (әпкелері) бар. Анам келін болып түскелі, сөздің шыны керек, қайын апаларына қызмет етумен болды. Әжем сәл жастау, әрі қуатты кезінде өте қатал ұстаған анамды. Ал Бізге, кенже ұлынан туған немерелеріне ешқашан “жоқ” демей, барынша еркелетіп өсірді. 2 жастан 20 жасыма дейін әженің қасында жаттым. Ең қымбат көйлек, ең тәтті шоколад, әдемі қалаларды әжеммен көргем. Балабақшаға, мектепке өзі жетектеп апарды. Тіпті, ата-аналар жиналыстарына да өзі баратын. Анам үйдің күйбің тіршілігінен үнемі қол тимейтін. Анаммен сырласуды соңғы 5 жылда бастаған шығармыз.. оған дейін сырласым әжем еді.

Әкемнің соңғы кездері жолы болмай, әбден қарызға кіріп кеткесін, қара шаңырақты сатып, тұрып жатқан қаланы ауыстырамын деп шешім қабылдайды, әжем батасын береді. Үйді апыр-топыр 1 ай ішінде сатып, ата-анам Астанаға көшіп келеді. Әжем “қаланың суығына шыдамаймын , жазда арттарыңнан келемін”деп туған жерде қалып қойды үлкен қызының үйінде.

Ол үйде жағдайы болмады ма білмеймін, ортаншы қыздың үйінде екен қазір. Төсек тартып қалғасын қыздары кезек-кезек барып қарап жүр.

Бар жағдайы жасалынған, бірақ сонда да, әжемді сатып кеткендей, жалғыз тастап кеткендей сезімде боламын қатты…Мында келіңіз, алып кетейік десек, “қанша өміріп қалғанын білмеймін, өліп қалып жатсам, денемді суық жерден шығармаңдар, не болса да туған жерде боламын” дейді😭

Әжемнің қарт кісі екенін, барлығымыз Аллаға ғана тән екенімізді білсем де, қимаймын, қабылдай алмайды екенмін…

Әжелеріңіз қастарыңызда болса көбірек құшақтап, сырласып, қалауын орындап жүріңіздер. Оларға одан артық ештеңе керек емес❤️