20-миллионный житель Казахстана

Бүгінгі сәби ертеңгі ұрпақ!

20-МИЛЛИОНҒА ЖЕТТІК!

Ұлттық статистика бюросының мәліметі бойынша 14 қараша күні сағат 8:10-да туған 5 бала еліміздің 20 миллионыншы тұрғыны атанды. Қазақстанның мерейлі азаматтары Ұлытау, Жетісу, Атырау, Ақмола және Түркістан облысында дүниеге келді. Олардың ішінде үш ұл және екі қыз бар. 20 миллионыншы тұрғынның бірі Түркістан облысы, Жетісай ауданында дүниеге келді. Күні кеше облыс әкімі Дархан Сатыбалды Асықатаға жаңа туған нәрестенің ата-анасын арнайы құттықтап барды.

Дәл осы күні Түркістан облысындағы перинаталдық орталықтарда дүниеге келген сәбилерге Облыс әкімінің жанындағы әйелдер істері және отбасылық-демографиялық саясат жөніндегі комиссия мүшелері N1,2 облыстық перинаталдық орталықтарына арнайы барып, сыйлықтарды өңірдегі әйелдер істері және отбасылық-демографиялық саясат жөніндегі комиссия мүшелері перзентханаларға тарихи күні туған сәбилерді құттықтады.

Айта кетейік, Түркістан облысы елімізде бала туу көрсеткіші бойынша көш бастап тұр. Биыл жыл басынан бері облысымызда 45 594 сәби туған. Ал 14 қараша күні Түркістан облысында 139 бала дүние есігін ашты. Мемлекет басшысы Қасым-Жомарт Тоқаевтың тапсырмасы аясында облыс аумағында ана мен бала денсаулығын жақсарту бағытында жүйелі жұмыстар жүргізілуде. Жалпы өңірде 22 перзентхана бар.

#Анаменбала
#Ұлтсаулығы
#АЖС

Жаннета Жазыкбаева.