Сылайдахпыан. Түүнүн эрэ иллэҥ, бэйэм бэйэбэр бириэмэлээх курдукпун. Күнү супту оҕолорбун кытта, кэргэним үлэлээх киһи үлэтигэр. Киэһэ хамнаһа түспүтүгэр сирэйэ-хараҕа сырдыы түстэ, киэптиир игин 😂

"Уааай, арай мин эмиэ үлэлээх-хамнастаах эбитим буоллаар" - дии санаатым уонна хомойдум, кыратык кыһыйан ыллым. Айар кутум түөрт истиэнэҕэ хаайыллан олороохтуур🫠

Устуоннуу сылдьан иккитэ оҕолонон, үөрэхпин бүтэрэн үлэ диэни билбэккэ, оҕо-дьиэ буолан олорбутум номнуо 6 сыл буолбут 😬 Бастакы сылбар магистратураҕа туттарса сатаабытым, баҕарар отделением ол сыл сабыллан хаалбыта 🫠 үлэ көрдөөн сири-дойдуну бары аймаабытым, оҕолорун кыралара бэрт, больничнайтан тахсыан суоҕа диэн ылбаттар😮 Кэргэним устудьуон, бүтэрэр сыла, ону таһынан үлэлиир🤭Барахсаттар оҕолоох оҕолорбут🤭

Кырам үс сааһыгар үлэлии тахсыам диэн былааннаах этим, хантан 😬 пандемия буулаабыта 🥹

Онтон кэлэр сыллар ыараханнык ааспыттара.

Быйыл кыра уолум "ребенок-инвалид" диэн статустанна, өр да көрдөрөн, обследование бөҕө ааһан РОП ЦНС, аутопободное поведение диэн диагнозтаах. Элбэх бириэмэ наада дьарыктанарбытыгар, харах далыгар сылдьыахтаах.

Онон үлэлэнэн-хамнастанан бүттэхпит, ийэ буолан ытык иэспин толоробун 😌