Как я справляюсь со стрессом

Боруосста стресстаан киирдим доо!

Бастакыбытын соҕотохтуу күүлэйдээн киирдибит. Бу иннинэ наар арыаллаах сылдьааччыбыт, дьэ бүгүн төбөбөр мас киирэн кими да күүппэккэ "сильные и независимые" аат ылаары бэйэбитинэн таҕыстахпыт үһү.

Оҕобун көтөхпүтүнэн, кэлээскэбин сүкпүтунэн күүстээх-уохтаах сананан түстүм ээ. Пандус диэн суох, лифт баарыгар баһыыба. Оҕом быччайа-быччайа көрөр, настроениета чаҕылхай, тот истээх, утуйар санаата суох. Ону чэ буоллун, сахсылыннаҕына утуйуо диэн буолла уонна күүлэйдии туруннубут. Залогка олоробут, суолбут ремоннаммыта номнуо сыл аҥаара буолан эрэр, барыта хаьыллыы, хаьыллыбатах сиринэн улахан баҕайы харахтаах гравийка, итиннэ турба, манна трактор, уопсайынан үчүгэй да атахтаах киһи сылдьарыгар ыарырҕатар сирэ, ол иһин дьиэ кэтэҕинэн ырааҕынан эргийэн сылдьабыт. Ол да суолбут бэрдэ суох да хайыахпытый, сылдьар буоллахпыт.

Дьэ наһаа дьоллоох мин кыайбыт-хоппут санаалаах кэлээскэбин үтүү да үтүү. Оҕом көрөн баран сытар, утуйан испэт. Сахсыйан көрдүм, түргэтээн көрдүм, тохтоон хачайдаан да көрдүм, ээх диэбэт, быччайыы мааныта. Чэ утуйар ини диэн дьиэбититтэн ырааттар ыраатан иһэбин. Ол хааман истэхпинэ дьэ саҕаланна ээ, оҕом ытаан барда.

Бастаан кэлээскэҕэ сытыаран эрэ уоскута сатаатым, онтон ыксаан көтөхсөргө тиийдибит. Ону уоскуйан биэрбэт, иһэ хаарыйар курдук кытара кытара ытыыр. Саатар ытыыра улахханааа, куолас бөҕөтө, ырыаһыт буолсу. Иннэ гынан суол ортотугар туран уоскута сатыыбын, уоскуйбат. Түргэнник дьиэлииргэ диэн буолла. Кэлээскэбин төттөрү туттум да элээртибит. Орулаабытынан оҕобун көтөҕө сылдьабын, кэлээскэбин аҥаар илиибинэн утэбин. Оннук курдук километртан ордук хааман кэллибит. Хаһаан да түргэнник хаампатахпын хаамтым быһылаах, элээрии!

Өссө онон эрэ бутуохпут дуо! Залог мас дьиэлэрин быыстарынан хааман истэхпинэ биир дьээдьэ аһаҕас тэлгэһэтигэр кус сыгынньах сылдьар, онтон биһигини көрөн баран туох баар баайын көрдөрөн иннинэн турунан кэбистэ. Фууу, көрбөтөҕө буола буола ааспытым. Стресс.

Билигин дьиэбитигэр киирэн эмсэ уоскуйа сытабыт. Онон аны хаһаан да соҕотох күүлэйдии тахсыбаппын!