Бэйэм эмиэ куһаҕан быһыылаахпын - барытын бу же көрөн туран баары баар курдук, санаабыппын сатаан эппэппин. Бастаан сөпсөһөбүн, төһө да сөбүлээбэтэҕим иһин, оннук тулуйа сылдьабын, онтон биир үтүө күн истерикалаан, ытаан, хаһыытаан турабын уонна барыны барытын санатабын. Бу сыыһатын билэбин. Эрээри улаханнык көннөрүнэ сатаабаппын курдук. Чэ кэнники син саныырбын этэр буоллум. Эрээри симбиир барытын буотах.

Маннык курдук ол кэмҥэ барытын тулуйа сатыы сырыттаҕым. Арай кыһын, уу баһа барса сылдьан, иһим түгэҕэ ыалдьан өйбүн сүтэрэн гинекологияҕа скорайданан тиийдим. Киһим аттыбар, быраастарга, миэхэ көмө бөҕө буолла, операционныйга кытта киирсэ сырытта. Внематочная беременность диэн истэн сүрэхпит тохтуу сыста, хата сыыспыттара, эрээри туохтан инник иһим ыалдьыбыта чуолкайдамматаҕа. Аҕыйах чааһынан бэйэм сэниэм киирэн, госпитализацияттан отказ суруйан дьиэбитигэр кыра оҕобут кэтэһэр диэн барбыппыт.

Ол кэннэ сотору буолан баран ыйдааҕым кэлбитэ. Аныгыскы ыйтан суох буолла эмискэ. Тест барыта отрицательный. Оннук же көрдөрүммэккэ сырыттым. Арай ол сайын уолум «искэр ньэньэ баар» диир буолла эмискэ. Тестанным - кырдьык! Баар эбит! Үөрдүм аҕай ❤️

Ол кэннэ кыыһырсарбыт элбээтэ, иккис оҕобутун кэтэһэ сылдьабыт, эн уурайан баран өссө да үлэтэ суох сылдьаҕын диэн капайдыыбын. Мин онон-манан подработкалыы сатыыбын, хата стипендиям өссө баар, кини таксилыы барар аатырар, ол хаччыттан эрээри миэхэ да уолбутугар да туох да тиксибэт этэ. Чэ, син аспытын оптовайдыыр этэ, аһаа. И то ол кыттыһан буоллаҕа дии, дьонун кытта. Мин стипендиябыттан уоппутун, газпытын төлөһөр этим, уолбутугар ол сахха пособиета диэн били кыракый эрэ - 1 тыһыынчалаах. Күүлэйдэтэ илдьибэт, маннык пикниктыы барыахпыт, онно Табаҕаҕа тахса сылдьыахпыт, Күрүлүүр, Булуус барыахпыт диэн эрэннэрэрэ эрэ...

Оннук истэ сатаан-сатаан баран эмискэ мин оргуйан турдаҕым ээ. Дэлби кыыһырбытым, таах себе беременный буолан хаалан дидии санаабытым, бу испэр киһичээн суоҕа буоллар уолбун туппутунан ханна эрэ барыам этэ дуу дии саныырым... Ол оргуйбуппаоргуйбуппар, киһим эмиэ оргуйан кэллэ ээ. Онно бастакытын улаханнык өһүргэппитэ кырбаан, истиэнэҕэ төбөбүнэн саайан, саатынан саанан.

Барарым ду дии санаабытым, кыргыттартан сүбэ-ама көрдөөбүтүм... Биир кыыс симбиир ээйэлэһиэххит, бырастыы гыныан диэбитэ - кырдьык. Эрээри ол күн бэйэбэр тиийинэ сыспытым. Киһим хата успейдаан кэлэн, булан тохтоппута... Тэҥҥэ ытаан, уоскуйа түһэн кэпсэтэн, былааннаммыппыт, бырастыы көрдөспүтэ, бырастыы гыммытым, шанс биэрбитим... Этэҥҥэ иккис оҕоломмуппут, бу оҕобут испитигэр үөскээбитин кэннэ, бастакы сылын иһигэр кини элбэх үлэни уларытан, дьэ үчүгэй, бэйэтигэр сөптөөх, эппитинэстээх үлэҕэ киирдэ.