Что происходит с близкими и как им помочь?

Кып-кыра барыта баттах, түү буолбут оҕо төрөөбүтэ этэҥҥэ, хата срокпутун ааспыппыт, эрдэттэн уум бара сылдьыбытын да иһин ❤️

Аҕата уолланан үөрбүтэ аҕай, түүннэри тэҥҥэ олорсон, үүппүн ыан биэрэрэ, аччыктыан диэн ас бэлэмнээн аҕалара, барыан иннинэ барытын бэлэмнээн барара... Үчүгэйиэн, дии? Эбээлээх эһээбитинээҕэр дьоллоох дьон суоҕа, котокулар кыра киһи ытаатын аайы, аан таһыгар баар буола түһэллэрэ: «Туох наада? Тугу аҕалабыт? Хайдах көмөлөһөбүт?» диэн буолара 🥰

Оҕом эбээ сылааһыгар утуйааччыта минньигэс баҕайытык, эһээтээҕэр чугас доҕор-атас суоҕа буолуо ❤️

Дьонун кытта олорор бэйэтэ ыараханнардаах эрээри, үчүгэй, тулуурдаах буолуохха наада...

Мин дьонум буо эдэрдэр, сиэннээхпит диэн соччо кыһаллыбаттар, мин эрэ көмөбөр наадыйаллара, онтон эмиэ элбэхтэ этиһии тахса сылдьыбыта. Ийэм бэйэтигэр көмөлөһүннэрэ икки ыйдаах оҕону хаалларан кэл диэччи, ол кэмҥэ уже бэйэм оҕобор охтон хайдах барыахпыный диэн кэргэммин бэйэтин ыытар буолбутум.

Кини эмиэ күндү, мааны күтүөт аатын сүгэ сылдьар. Барытын сатыыр, маһынан , тимиринэн уһанар, сваркалыыр. Ийэм массыынабын ремоннаан биэр диэтэҕинэ ремоннанан турар буолар, кэлэн газ оһохпутун көрөн быһааран биэр эрэ диэтэхтэринэ эмиэ начаас тиийэн оҥорон биэрэр.

Ол кэриэтэ, мин, кыыстара оҕолорго охтон, ийэбинээн биир тыл сатаан булбаппыт. Бэйэ бэйэбитигэр өһүргэнэ оонньуурбут элбэх. Ийэм котоку... Төһө эрэ киниэхэ эмиэ ыарахан сырыы аайы миигинниин өйдөспөккө ыйы ыйынан кэпсэппэккэ сылдьар...