Ахь суна ца дити дог а хьайх дилла,
Шек ю со, и цкъа а сайн хиллий теша.
Б1аьрзениг 1емачохь шена некъ билла,
Х1унда ца 1емира со хьох ца теша.

Гуьйренан т1аьххьарчу хелхарехь хьийзаш,
Дашо г1аш оьгучохь сан кераюккъе,
Хьуна ца гира-кха сан б1аьрхийн 1ийжам,
Хьан шело т1есерсаш сенъелчу юьхь т1ехь.

Хала а, атта а лайна дерг лайна,
Юха а, т1аккха а со сайх цецъюьйлу.
Дерриге даьллехь а даьгна, д1адайна,
Х1унда хьан ц1арца сан дог самадуьйлу?