Құрметті Студент

Сіздің назарыңызға қазақ тілі сабақтарын жоспарлауды және өткізуді әлдеқайда жеңілдететін сайттарды ұсынамын.

1) www.soyle.kz мүмкіндіктері мол қазақ тілін шет тілі ретінде үйренуге арналған сайт. Онлайн курстың сабақтары бес деңгей бойынша ұсынылады. Материалдарды қолдану үшін міндетті түрде тіркелуініз қажет. Әр сабақтың ішінде грамматикалық тақырыптың түсіндірмесін, жаңа сөздердің тізімі мен аудиосын, жаңа сөздерді жаттықтыратын ойындарды таба аласыз.

2)

ссылка қазақша флешкарталар және менің профиліме кірсеңіздер деңгей бойынша флешкартпларды таба аласыздар.

3) www.bala.soyle.kz - бұл мектеп жасына дейінгі балаларға қазақ тілін оқытуға арналған онлайн қызметі. Сайттағы тақырыптардың барлығы ойын түрінде берілген. Бұл ойындардың мақсаты сөздік қорын байыту, грамматикалық дұрыс сөйлеуді қалыптастыру болып табылады. Бұл сайтта алфавитті, жаңа сөздерді сөздіктің көмегімен үйренуге, санауды үйренуге, сонымен бірге не жақсы, не жаман екенін білуге болады. «Ертегілер елінде», «Балаларға базарлық» және «Кел, ойынайық» сияқты қосымша бөлімдерде балалар мультфильмдерді қазақ тілінде көре алады, тақпақтар мен есептегіштерді оқиды және өздері үшін басқа да қызықты жаттығуларды таба алады.

4) www.tilqural.kz қазақ тілін өз бетінше үйренуге арналған веб-платформа және мобильді қосымша. Тақырыптық сабақтардағы барлық тренингтер интерактивті форматта берілген. Бұл сайттың көмегімен сөздік қорды кеңейтуге, оқу және айту дағдыларын жетілдіруге, грамматикалық ережелермен танысуға болады. Қазақ тілінің латын графикасы курсы латын графикасындағы қазақ тілінің жаңа әліпбиін, оқу және жазу дағдыларын меңгеруге көмектеседі. Соымен қатар, сайттың кітапханасында біз күнделікті түрде қолданатын оқулықтардың электронды түрлері ұсынылған.

www.learningapps.org басты бетте берілген түсініктеменің арқасында сайтты қолдану өте оңай. Берілген шаблондарды қолданып өзіңіз су-жаңа тапсырма жасауыңызға болады немесе бұрыннан жасалған тапсырмаларды бейімдеуіңізге болады. Іздеу жолына керекті сөзді еңгізіп немесе керекті категорияны таңдап, сан-алуан дайын тапсырмаларды көре аласыз. Қазақ тілінен дайын тапсырмалар “Шетел тілдері” категориясында сақталған.

5) www.wordwall.net сөздік қорын, грамматика тақырыптарын және сөйлесім дағдысын дамытуға үлкен үлес қоса алатын оқу құралы. Сайттың тұжырымдамасы қарапайым: бірнеше таңдау, топтау, сәйкестендіру немесе күрделі ойындар мен викториналар сияқты тапсырмаларды құру үшін шаблондарды қолданыңыз. Сіз шаблондардың шектеулі санын ақысыз пайдалана аласыз, және Wordwall веб-негізде болғандықтан, жақсы байланыспен бірнеше минут ішінде тапсырмаларды тез әрі оңай жасай аласыз. Тапсырманы жасағаннан кейін, оны әр түрлі жолмен бөлісуге болады. Мысалы, оқушыларыңызға сілтеме жіберсеңіз, олар тапсырманы өздерінің комтьютерінде немесе телефонында орындап, қай сұрақтарға дұрыс жауап бергендерін және көшбасшылар тізімін көре алады.

6) www.qazaqstan3d.kz 100-ге жуық Қазақстанның ең танымал туристік жерлерінің 3D форматындағы моделдері қосылған. Әр пайдаланушы өзіне керек деген барлық ақпарат пен көрікті жерлерді қызықты нұсқада егжей-тегжей көре алады. Туристтік жерлерді облыс және категория бойынша іздеуге болады. Сонымен қатар, әр жердің толық сипаттамасы берілген.

7) www.sozdikqor.kz әртүрлі салалық сөздіктер мен энциклопедиялардағы сөздер мен тұрақты сөз тіркестерін, қазақ тіліндегі көне сөздерді, кірме сөздерді, аймақтық және ақпараттық технологиялардың даму кезеңіндегі жаңа технологиялық сөздердің мағынасын көруге мүмкіндік беретін платформа. «Сөздікқор» порталының іздеу жүйесі арқылы сөздердің дефинициясын, синонимін, антонимін, омонимін, фразеологиялық тіркесте немесе сөйлем ішінде кездесуін бір бетте көруге болады.

8) ссылка

9) https://abai.institute/sabaq/alipbi-1/

9) ссылка

Сұрақтарыңыз туындаса, мен жауап беруге әрқашан дайынмын.