Хlокху сан дагца ахь биначу тlам тlехь,

Баьккхинчу толамна луш хилча дарж,

Оцу хьан сийлаллин лекхачу лам тlехь,

Гур йара цlен дешех кхелина таж.

Сан деган тийналла йохоран эпсар,

Эхl, ма кайели хьан цу къийсамехь!

Ас йухадерзадо сайн синан эскарш,

Ас буржалш туху-кха сатийсамех.

Ас йухаберзабо тешаман дошлой,

Цхьа герз ца кхуссуьйтуш кху боламехь.

Амма ас тlаьххьара хьуна сайн дош ло,

Хьо хир ву эшнаверг хьайн толамехь!