Мин эмиэ оҕо эрдэҕинээҕим туһунан бэлиэтээһиннэр боростой кырачаан альбомҥа бааллар этэ. Ол саҕана…

Мин эмиэ оҕо эрдэҕинээҕим туһунан бэлиэтээһиннэр боростой кырачаан альбомҥа бааллар этэ. Ол саҕана арааһа төрүүр дьиэҕэ бэлэх быһыытынан бэриллибит быһылаах. Ыал буолан төрөөбүт дьиэбиттэн барыахпар дылы полкаҕа сылдьыбыта. Баар да баар, улахаҥҥа уурбат, интэриэһиргээн арыйан көрбөт быһылааҕым.

⠀

Бу олус тупсаҕай уонна аныгы кэмҥэ сөп түбэһэр "минималистичнай" дизайнаах кинигэни Сайаана төрөөбүтүгэр ылбыппыт. Иһигэр хаартыскалары, оҕо туһунан толору информацияны, оҕо кыра сырыттаҕына ийэ-аҕа анаабыт суруктарын угуохха сөп. Ый аайы хаартыскаҕа түһэргэ анал карточкалардаах, оҕо биэс сааһыгар дылы бэлиэтээһиннэри угуохха сөп.

Күһүн дьиэбэр кэлэн оҕолорбун кытта бэйэбин тэҥнээн көрөөрү дьонум толорон испит альбомнарын көрдөөн көрдүм да булбатым. Эрдэ-сылла санаан ууран кэбиһиэххэ баар этэ, улаатан баран көрөргө интэриэһинэй эбит. Бу толорбут альбоммун кичэллээхтик бэйэтин сумкатыгар харайабын. Оҕом улааттаҕына ааҕыа.