Шығармашылық конкурсты өткізу ережелері

1. Конкурстың атауы «Алғашқы тамақтандыруға арналған Nestlé® балалар ботқаларын сынау».

1.1. «Алғашқы тамақтандыруға арналған Nestlé® балалар ботқаларын сынау» конкурсы (бұдан әрі мәтін бойынша – «Конкурс») «Нестле Фуд Казахстан» жауапкершілігі шектеулі серіктестігінің (заңды мекенжайы: Қазақстан Республикасы, 050040, Алматы қаласы, Бостандық ауданы, Тимирязев көшесі, 28 «В» — «Ақпараттық серіктес») қолдауымен «Мам софт» ашық акционерлік қоғамының (бұдан әрі – «Ұйымдастырушы») тарапынан өткізіледі.

2. Жалпы ережелер. Конкурсты өткізу мақсаттары.

2.1. Конкурс Қазақстанның аумағында қатысушылардың алдын ала квалификациясынсыз ашық конкурс ережелеріне сәйкес жүргізіледі.

2.2. Конкурс туралы хабарландыру Mom.life мобильді әлеуметтік желісінің @nestlebaby.kz профилінде еркін қол жеткізу мүмкіндігімен жарияланады.

2.3. Осы Конкурсты өткізу кезінде Ұйымдастырушы қоғамдық тұрғысынан пайдалы болып келетін келесідей мақсаттарды көздейді: Конкурс Қатысушыларының арасында шығармашылық жағынан өзін-өзі таныту жолында қолдау көрсету және шығармашылық дағдыларды дамыту.

2.4. Конкурс лотерея немесе тәуекелге негізделген қандай да бір басқа ойын болып табылмайды. Конкурстың жеңімпаздарын (бұдан әрі – «Жеңімпаз») анықтау рәсімі ықтималдылық (кездейсоқтық) сипатқа ие болмайды және Ұйымдастырушының тарапынан осы Ережелерге сәйкес жүзеге асырылады.

2.5. Конкурс қатысушыларының тарапынан сыналуға арналған өнімдер (бұдан әрі мәтін бойынша – «Өнім»):

1. BL бифидобактериялары бар, қосымша тамақтандыруды бастауға арналған Nestlé® сүті жоқ гипоаллергенді қарақұмық ботқасы 200г

2. BL бифидобактериялары бар, қосымша тамақтандыруды бастауға арналған Nestlé® сүті жоқ гипоаллергенді күріш ботқасы 200г

3. Конкурстың ұйымдастырушысы жайындағы ақпарат

«Мам софт» ААҚ

ОГРН 1217700330275

ИНН/КПП 7707455220/770301001

Заңды мекенжайы:

107031, Мәскеу қ., Тверской муниципалды округі қалаішілік аумағы, Дмитровка Б. көшесі, 32-үй, 4-құр, VII жайы, 8-бөлме

Нақты мекенжайы: 107031, Мәскеу қ., Тверской муниципалды округі қалаішілік аумағы, Дмитровка Б. көшесі, 32-үй, 4-құр, VII жайы, 8-бөлме

Е/ш 40702810902500105463

«ТОЧКА ПАО БАНКА «ФК ОТКРЫТИЕ»,

Корреспонденттік шот 30101810845250000999

БИК 044525999

4. Конкурсты өткізу мерзімдері.

4.1. Конкурсты жалпы өткізу мерзімі – 31.01.2022 ж. бастап, 27.03.2022 ж. 23:59 сағатына дейін (Нұр-Сұлтан уақыты бойынша).

4.2. Конкурс Қатысушыларының тіркелу кезеңі – 31.01.2022 ж. бастап, 06.02.2022 ж. 23:59 сағатына дейін (Нұр-Сұлтан уақыты бойынша).

4.3. Қатысушылар 07.02.2022 ж. және 13.02.2022 ж. аралығында іріктеледі.

4.4. Қатысушыларға сынауға арналған өнімді жеткізу кезеңі: 07.02.2022 ж. және 28.02.2022 ж. аралығы.

4.5. Mom.life мобильді әлеуметтік желісіндегі Конкурс Қатысушысы профиліндегі сыналатын өнім жайындағы пікірді жүктеп салу кезеңі 21.02.2022 ж. және 13.03.2022 ж. аралығында болады.

4.6. Конкурстың Жеңімпазы 14.03.2022 ж. және 20.03.2022 ж. аралығында анықталатын болады.

4.6.1. Жеңімпаздар жеке хабарлама арқылы Mom.life мобильді әлеуметтік желісінде хабардар етіліп, @nestlebaby.kz парақшасында жарияланатын болады.

4.7. Ережелердің 7-тармағында белгіленген жүлделерді ұсыну рәсімі 14.03.2022 ж. және 27.03.2022 ж. аралығында Ережелердің 17-тармағында анықталған тәртіпте жүргізілетін болады.

5. Конкурсты өткізу аумағы.

5.1. Конкурс Қазақстан Республикасының аумағында өткізіледі.

5.2. Конкурс Mom.life мобильді әлеуметтік желісінде жүргізіледі.

6. Конкурстың қатысушыларын осы Ережелер және Конкурстың нәтижелері туралы хабарландыру тәртібі және тәсілі.

6.1. Конкурстың қатысушыларын және Конкурстың әлеуетті қатысушыларын оның шарттары, мерзімдері және мерзімінен бұрын аяқталуы туралы хабардар ету жұмыстары келесідей жолдармен жүзеге асырылатын болады:

6.1.1. Конкурстың бүкіл өткізілу мерзіміне Mom.life мобильді әлеуметтік желісіндегі @nestlebaby.kz профилінде Конкурстың осы Ережелерін жариялау;

6.1.2. Жеңімпаз 20.02.2022 ж. жеке хабарлама арқылы Mom.life мобильді әлеуметтік желісінде хабардар етіліп, @nestlebaby.kz парақшасында жарияланатын болады.

7. Конкурстың жүлде қоры.

7.1. Конкурстың жүлде қоры Ақпараттық серіктес қаражатының есебіне қалыптастырылады.

7.2. Жүлде қоры саны келесідей болатын жүлделердің келесідей түрлерін қамтиды:

5 жеңімпаз Nestlé® өнімдері бар сыйлық боксы (алғашқы қосымша тамақтандыруға арналған ботқалар мен қосымша тамақтандыруды жалғастыруға арналған езбесі бар паучтер) және «Детский мир» балаларға арналған тауарлар дүкеніне 20 000 тг құнындағы сертификатты алатын болады.

7.3. Ұйымдастырушының Конкурстың Жеңімпаздарына жүлделерді беру аясындағы жауапкершілігі Конкурстың осы Ережелерінде белгіленген жүлделердің санымен ғана шектеледі.

7.4. Ұйымдастырушының жүлделердің сапасына қатысты жауапкершілігі олардың өндірушілері берген кепілдіктермен ғана шектеледі.

8. Конкурсты өткізу шарттары.

8.1. Конкурсқа қатысу (бұдан әрі – «Қатысушы») үшін 31.01.2022 ж. және 27.03.2022 ж. аралығында Mom.life мобильді әлеуметтік желісінде есептік жазбаға ие болып отыру қажет.

8.2. 4.2 тармағында белгіленген кезеңнің ішінде Mom.life мобильді әлеуметтің желісіндегі @nestlebaby.kz аккаунтының жариялаушы хабарламасындағы сілтеме бойынша қарастырылған формаға Конкурс Қатысушысының Өтінімін қалдыру керек.

8.3. Конкурсқа қатысу жөніндегі қабылданған өтінімдерді өңдеу нәтижесінде Ұйымдастырушы сынауға арналған өнімді алатын 100 Қатысушыны таңдайтын болады. Ұйымдастырушы Қатысушыларды оларға қойылатын талаптарға қатысты сәйкестік, сондай-ақ, өтінімнің мағыналылығы, түпнұсқалылығы және шығармашылдығы бойынша таңдайтын болады.

8.3.1. Конкурс Қатысушысы баласының жасы 6 айдан артық болуға тиісті.

8.3.2. Конкурс Қатысушысының нақты тұрған жері – Қазақстан Республикасы.

8.4. Өнімдерді сынау мақсатында таңдалған Қатысушылар Mom.life мобильді әлеуметтік желісінде Қатысушының профиліне жіберілген жеке хабарлама арқылы Ұйымдастырушының және (немесе) Ақпараттық серіктестің тарапынан хабардар етілетін болады.

8.5. Ережелердің 4.5 тармағында белгіленген сынау кезеңінің ішінде Қатысушы Nestlé® ботқалары туралы 1 (бір) пікір жазып, оны Mom.life мобильді әлеуметтік желісіндегі өзінің профилінде жариялауға тиісті болады, бұл ретте, әрбір пікірде міндетті түрде келесідей хештегті жазу керек: #нестле_каши_первый_прикорм

8.5.1. Қатысушы әрбір пікірді Mom.life мобильді әлеуметтік желісінің «Флешмобы и конкурсы» арнасында жариялап отырады.

8.5.2. Өзінің пікірін жариялау арқылы Қатысушы материалдың жеке шығармашылық еңбегінің арқасында шығарылғанын растайды. Қатысушы авторы болып келмейтін материалдарды жариялауға жол берілмейді.

8.6. Конкурс Қатысушысының өз пікірін жариялау фактісі осы Ережелермен толығымен келісуінің, осы Ережелердің барлық шарттарын түсінуі фактісінің және Конкурс Ұйымдастырушысының қатысушыны жазбаша хабардар етпей-ақ Mom.life мобильді әлеуметтік желісіндегі @nestlebaby.kz профилінде ережелердің жаңа редакциясын жариялау арқылы осы Ережелерге бір жақты тәртіпте өзгерістерді енгізу құқығына ие болатынына келісуінің растамасы болып табылады.

8.7. Конкурсқа қатысу арқылы Қатысушылар Конкурсқа қатысу кезінде олардың Конкурсқа қатысу үшін Mom.life мобильді әлеуметтік желісінде жарияланатын пікірлерге қатысты ерекше мүліктік және жеке мүліктік емес авторлық және аралас құқықтарға ие болатындарын растаумен және тиісті кепілдікті берумен қатар, материалдарды жариялау аясындағы уәкілеттіліктерге ие болатындарына кепілдік береді. Конкурстың Қатысушылары үшінші тұлғалардың зияткерлік меншік нысандарына қатысты құқықтарды және авторлық құқықтарды бұзу үшін Қазақстанның қолданыстағы заңнамасымен қарастырылған жауапкершілікке тартылатын болады. Үшінші тараптар Қатысушы жариялаған материалдарға қатысты қандай да бір наразылық білдірген жағдайда, Қатысушы оны өзінің күшімен және өз есебіне реттеуге міндеттенеді, бұл ретте, осындай пікір Конкурсқа қатыспайтын болады.

8.8. Қандай да бір тұлғалардың намысына және абыройына тиетін, зорлық-зомбылықты танытуға шақыратын, әлеуметтік, нәсілдік, ұлттық немесе діни араздықтың туындауына әкеліп соқтыруы мүмкін пікірлерге, сондай-ақ, Қазақстан Республикасының қолданыстағы заңнамасына қайшы келетін басқа да материалдарға және (немесе) өзге ақпаратқа Конкурсқа қатысуға жол берілмейді.

8.9. Конкурсқа қатысу мақсатында осы Ережелерге қатысты сәйкестікті тексеруден (постмодерациядан) өткен Қатысушылардың пікірлерін ғана жариялауға жол беріледі. Тексеру (постмодерация) рәсімі Ұйымдастырушының және (немесе) Ақпараттық серіктестің немесе ол және (немесе) олар уәкілеттілік берген тұлғаның (модератордың) тарапынан жүзеге асырылады. Жүктелген материалдар Конкурстың осы Ережелеріне сәйкес болмаған және (немесе) Қатысушы үшінші тараптардың авторлық құқықтарының және басқа да құқықтарының нысандарын заңға қайшы тәртіпте пайдаланған жағдайда, Ұйымдастырушы және (немесе) Ақпараттық серіктес Mom.life мобильді әлеуметтік желісіндегі Қатысушының пікірін жариялаудан бас тарту құқығына ие болады. Ұйымдастырушы және (немесе) Ақпараттық серіктес жұмыстың осы Ережелерге қатысты сәйкестігі жөніндегі шешімді өздерінің қалауы бойынша қабылдайды.

8.10. Конкурсқа қатысу фактісі Конкурс Қатысушысының ол жариялаған пікірдің Ұйымдастырушының тарапынан көпшілікке жарияланатынымен және Mom.life мобильді әлеуметтік желісінің кез келген пайдаланушысының оған кез келген жерден және кез келген уақытта қол жеткізе алатынына келісуін ұйғарады.

8.11. Әрбір Қатысушы Конкурстың аясындағы Жүлде қорынан 1 (бір) ғана жүлдені ұтып қоя алады.

8.12. Конкурстың аясында әрбір Қатысушы сынауға арналған 1 (бір) ғана жинақты алатын болады.

9. Конкурстың Қатысушылары

9.1. Конкурстың Қатысушылары ретінде келесідей шарттарға сай келетін жеке тұлғалар бола алады:

9.1.1. Конкурсқа Қазақстан Республикасының аумағында тұратын, Қазақстан Республикасының әрекет ету қабілетін бар (18 жасқа толған) азаматтары ғана қатыса алады.

9.1.2. Ұйымдастырушының жұмыскерлеріне, өкілдеріне және олардың қосылма тұлғаларына, осындай жұмыскерлер мен өкілдердің отбасы мүшелеріне, сондай-ақ, Конкурстың ұйымдастырылуына және (немесе) өткізілуіне қатысы бар кез келген тұлғалардың жұмыскерлеріне, өкілдеріне және олардың отбасы мүшелеріне Конкурсқа қатысуға тыйым салынады.

9.1.3. Өздерінің пікірін жүктеп салмаған немесе осы Ережелердің 4.3 тармағында белгіленген мерзімдерді сақтамай жүктеп салған тұлғаларға, сондай-ақ, пікірлері Конкурс Ұйымдастырушысының тарапынан осы Ережелерге сәйкес келетін пікірлер ретінде расталмаған тұлғаларға Конкурсқа қатысуға болмайды.

9.1.4. Шетелдік мемлекеттің аумағынан тіркелмеген тұлғаларға Конкурсқа қатысуға болмайды. Конкурстың Қатысушысы ретінде тіркелу жөніндегі өтінімді жіберу жерлері Қазақстан Республикасының тіркелген IP-мекенжайларының тізімі бойынша анықталады.

9.1.5. Конкурсқа қатысу фактісі Қатысушының осы Ережелермен танысуын және олармен толығымен келісуін ұйғарады. Өзгесін қоспағанда, Қатысушы телефон, электронды пошта немесе курьерлік пошта арқылы Ұйымдастырушыдан және (немесе) Ақпараттық серіктестен Конкурсқа қатысты sms хабарламаларын, жарнаманы және корреспонденцияны алумен бірге Конкурсты өткізу мақсатында оның дербес деректерінің барлық қажетті тәсілдермен өңделуіне келіседі. Дербес деректер Қатысушының өз еркімен ұсынылады, алайда, осындай деректердің өңделуімен келіспеу тіркелу үдерісін аяқтау және Конкурсқа қатысу мүмкіндіктерін жоққа шығарады.

9.1.6. Конкурсқа қатысу фактісі Конкурс Қатысушыларының Конкурс Ұйымдастырушысына авторлық құқық нысандарына қатысты ерекше құқықтарды толық көлемде шартсыз келісуін және олардың есімдерінің, тектерінің, дауыстарының, фото және видеосуреттерінің, сұхбаттарының және олар жайлы басқа да материалдардың Қазақстанның аумағында және шет елдерде шектелмеген мерзімнің ішінде және қандай да бір сыйақыны төлеусіз Ұйымдастырушының басқаруында болатын тауар белгілеріндегі өнімді нарықта ілгерілетуге бағытталған жарнамалық және басқа да коммерциялық мақсаттарда пайдаланылу мүмкіндігімен келісуін ұйғарады. Конкурстың Қатысушылары Ұйымдастырушының басқаруында болатын тауар белгілеріндегі өнімдер жайындағы жарнамалық баспасөз материалдарын жасау және тарату мақсаттарын қоса, кез келген бұқаралық ақпарат құралдарында Конкурсқа қатысу жайындағы жарнамалық сұхбаттарды беруге, видео-фото түсіру шараларына қандай да бір сыйақыны төлеусіз қатысуға келіседі.

10. Жеңімпаздарды анықтау тәртібі

10.1. Конкурстың Жеңімпазы 14.03.2022 ж. және 20.03.2022 ж. аралығында анықталатын болады.

10.2. Ұйымдастырушының өкілдерінен және Ақпараттық серіктестің өкілдерінен тұратын Конкурстың қазылар алқасы (бұдан әрі – «Қазылар алқасы») Конкурсты өткізу кезеңінің барысында алынған пікірлердің осы Ережелерде белгіленген талаптарға қатысты сәйкестігін тексеріп отырады.

10.2.1. Конкурстың Жеңімпазын Қазылар алқасы өзінің қалауы бойынша таңдайды.

10.3. Қазылар алқасының шешімі түпкілікті сипатқа ие болып келеді және өзгертілмейді.

10.4. Конкурстың Жеңімпаздарын анықтау нәтижелері Конкурстың Ұйымдастырушысында сақталатын тиісті Хаттамамен рәсімделеді.

11. Қатысушының құқықтары. Қатысушының келесідей құқықтары болады:

11.1. Конкурстың Ережелерімен танысу.

11.2. Осы Ережелерде анықталған тәртіпке сәйкес Конкурсқа қатысу, Ережелердегі өзгерістер туралы ақпаратты алу.

11.3. Осы Ережелерге сәйкес Конкурстың Ұйымдастырушысынан Конкурс жайындағы ақпаратты талап ету.

11.4. Осы Ережелердің 10-тармағына сәйкес Конкурстың Жеңімпазы ретінде атануы жағдайында Ұйымдастырушының жүлдені ұсынуын талап ету.

12. Қатысушының міндеттері. Қатысушының келесідей міндеттері болады:

12.1. Сынауға арналған мінсіз өнімді алғаннан кейін Конкурстың шарттарын орындауға және Mom.life мобильді әлеуметтік желісіндегі өзінің аккаунтында 1 (бір) пікірді қалдырып, «Флешмобы и конкурсы» арнасын белгілеу және #нестле_каши_первый_прикорм хештегін жазу.

12.2. Осы Ережелерге сәйкес Конкурсқа қатысуға және жүлделерді алуға байланысты болатын барлық әрекеттерді орындау.

12.3. Қазақстанның қолданыстағы заңнамасының нормаларына сәйкес Қазақстанның заңнамасында белгіленген және Конкурстың аясындағы жүлделерді алумен байланысты болатын барлық салықтарды, алымдарды және төлемдерді Ұйымдастырушы төлейді.

13. Ұйымдастырушының құқықтары. Ұйымдастырушының келесідей құқықтары болады:

13.1. Осы Ережелердің бұзылуы жағдайында Қатысушының Конкурсқа қатысуын жарамсыз ретінде тану, Конкурсқа қатысуға тыйым салу, Конкурстан алып тастау немесе Конкурсқа қатысуға жол бермеу.

13.2. Нәтижесінде Конкурсты ары қарай өткізу мүмкіндігі жоққа шығарылатын ресурстардың жұмысына өзге тұлғалардың араласуы, вирустарды жұқтыру, Mom.life мобильді әлеуметтік желісінің жұмысындағы ақаулықтар сияқты Конкурстың жүргізілуіне кедергі келтіретін құбылыстар орын алған жағдайда, Ұйымдастырушы Конкурстың өткізілуін уақытша тоқтатуға немесе аяқтауға құқылы болады.

14. Ұйымдастырушының міндеттері. Ұйымдастырушының келесідей міндеттері болады:

14.1. Осы Ережелерде қарастырылған тәртіпте Конкурсты өткізу.

14.2. Жеңімпаз ретінде атанған және осы Ережелерде қарастырылған әрекеттерді уақытылы орындаған Конкурстың Қатысушысына жүлдені беру.

15. Жүлдені алу тәртібі және мерзімдері.

15.1. Конкурс Ережелерінің 9-тармағына сәйкес Конкурстың Жеңімпаздарын анықтағаннан кейін Конкурстың Ұйымдастырушысы Mom.life мобильді әлеуметтік желісіндегі аккаунтқа жеке хабарлама жіберу арқылы Жеңімпазды оған жүлденің ұсынылатыны туралы хабардар етеді.

15.2. Ұйымдастырушының кінәсі болмаған жағдайда, Ұйымдастырушы жіберілген жүлделердің тиісті мерзімдерден тыс жеткізілуі және (немесе) алынбауы үшін жауапты болмайды.

15.3. Жүлделерді жеткізуге қатысты барлық шығындар және жүлделердің жіберілуі Ақпараттық серіктестің жауапкершілігінде болады.

15.4. Жеңімпаздың жүлдені алу құқығын басқа тұлғаға табыстауға жол берілмейді.

15.5. Конкурстың Қатысушысы осы Ережелерді сақтамаған кезде жүлделер берілмейді.

15.5. Жүлде құнының ақшалай баламасын төлеуге жол берілмейді.

16. Қосымша шарттар.

16.1. Ұйымдастырушы келесідей әрекеттер үшін жауапкершілікке тартылмайды:

• Қатысушылардың осы Ережелерді сақтамауы немесе уақытылы орындамауы;

• Қатысушылардың тарапынан Конкурсқа қатысу және жүлделерді алу үшін қажет болатын толық емес немесе бұрыс мәліметтердің алынуы.

16.2. Ұйымдастырушы Конкурсты өткізу кезінде пайдаланылатын байланыс арналарында және (немесе) Интернет желісінде болатын техникалық проблемалар және (немесе) алаяқтық, байланысты қамтамасыз ететін ұйымдардың кесірінен қабылдамауды қоса, Қатысушыдан қажетті мәліметтердің қабылданбауы, сондай-ақ, белгіленген бұрыс немесе өзекті емес байланыс деректерінің нәтижесінде Қатысушымен байланысты орнату мүмкіндігінің болмауы үшін жауапкершілікке тартылмайды.

16.3. Ұйымдастырушы өзінің қалауы бойынша Конкурсқа қатысу арқылы пайда көретін немесе оның нәтижелерін алдап ауыстыратын, не болмаса Конкурстың осы Ережелерін бұзумен әрекет ететін, деструктивті тәртіпте әрекет ететін, не болмаса осы Конкурспен байланысты болуы мүмкін кез келген басқа тұлғаны мазалау, оған тіл тигізу, оны қорқыту немесе әуреге салу ниетімен әрекет ететін кез келген тұлғаға осы Конкурсқа ары қарай қатысуға тыйым салуға құқылы болып отырады.

16.4. Компьютерлік вирустарды жұқтырудың, Интернет желісіндегі жаңылыстардың, ақаулықтардың, айлалы әрекеттердің, рұқсат берілмеген араласудың, алдаудың, техникалық жаңылыстардың нәтижесінде болатын себептерді немесе Конкурстың жүргізілуін, қауіпсіздігін, әділдігін, бүтіндігін немесе лайықты түрді өткізілуін бұрмалайтын немесе оған әсер ететін әрі Ұйымдастырушының тарапынан бақыланбайтын кез келген себептерді қоса, қандай да бір себептен осы Конкурстың кез келген аспектісін жоспарланған тәртіпке сәйкес өткізу мүмкіндігі болмаған жағдайда, Ұйымдастырушы өзінің жеке қалауы бойынша Конкурстың өткізілуін жоққа шығару, тоқтату, өзгерту немесе уақытша тоқтату, не болмаса осы Конкурсқа қатысу жөніндегі әсер тигізілген кез келген өтінімдерді жарамсыз ретінде тану құқықтарына ие болып отырады.

16.5. Конкурстың барлық Қатысушыларының Конкурсқа қатысуға байланысты шегілген бүкіл шығындарын (солардың ішінде, өзгесін қоспағанда, Интернет желісіне қол жеткізуге байланысты болатын шығындарын) өздері өтеп отырады, бұл ретте, Ұйымдастырушы осындай шығындарды өтемейді.

16.6. Осы Ережелерге сәйкес Қатысушылардан алынған дербес деректер әкімшілікті Конкурстың Ұйымдастырушысы жүргізіп отыратын деректер қорында сақталады. Дербес деректер Конкурсты өткізу, жеңімпаздарды таңдау және жариялау, жүлделерді тағайындау, жүлделерді беру, алу және тарату, сондай-ақ, кейіннен жарнамалық ақпаратты ұсыну мақсаттарында пайдаланылады және сақталады.