Я Аллах1, Я Рахьман,Я Рахьим!!!
Я Аллах1,ас доьху хьоьг я Аллах1!!!
Лар е Ахь со къинойн балех, йоккхачу дакъазаллех, эхартан 1азапах.
Лар е Ахь сийсаз йоккхур йолчу 1амалх, суна зен дохьучу доттаг1чух, Хьоьх херайоккхучу сатийсамех, Хьо вицвийр волчу къоьллех, и х1аллак йийр йолчу бахамах а.
Я Аллах1, Хьайна дукхабезачу лешна делларг ло Ахь Суна.
Къемат-дийнахь Ахь Хьайн юьхь д1ахьовзочу вонах лар елахь со.
Бусалба а йолуш ялар лолахь суна,бусалба а йолуш г1атта елахь со барт хоттучу дийнахь.
Хьайн къинхетам белахь соьх.
Хьайн 1азапах лар елахь со.
Со дийна мел ю ларйе Ахь со массо вочу хумнах.
Айхьа хьайн лайшна маялларна, еллачул т1аьхьа Хьайн къинхетам бе Ахь Соьх.
Нагахь со яха езаш елахь - ийманехь,исламехь,ирсе,беркате дахар ло Ахь суна, нагахь и ялар тоьлашха делахь - 1ожалла ло Ахь суна.
Дажалан зуламна юкъахь йоцуш ялар ло Ахь суна я Аллах1!
Ийман чохь а йолуш, шах1адат далош а йолуш д1аэца Ахь Са са!
Ислам-динца йоцуш кхалхарх, кошан 1азапах, дуьненан бохамех лар йе Ахь Со.
Я Аллах1, дуьненахь а, эхартахь а дика ло Ахь Суна.
Хьо вовзар а, везар а ло Ахь Суна.
Хьо везачарех йе Ахь со,
Хьайна безачарех йе Ахь Со.
Хьайх кхерар ло Ахь Суна.
Хьо алсам хьехор а, Хьайн новкъахь яхар а ло Ахь Суна.
Айхьа дихкинчух д1ахьовза ницкъ ло Ахь Суна.
Хьо цавезарх лар йе Ахь со.
Хьо резахир волу 1амал яйта Ахь соьга.
Хьайна т1ейоьрзур йолу хаарш а ло Ахь Суна.
Айхьа хьаналдина долу рицкъа бен ма ло Ахь Суна.
Дийно-дийно аьтто сов болуш аьтто бе ахь са.
Со йолчу балхар д1а яккха,д1а яла пурба ма ло Ахь суна, кхиъ дикчу балха дехь йолуш бен.
Могшалла ло Ахь Суна,къаналлех лар е Ахь со.
Ийманехь,исламехь,могуш маьрша а волуш,ялсмане югар волуш ц1ийнда а ло Ахь Суна!
Ийманехь,исламехь,беркате,могуш а болуш доьзал а ло Ахь Суна.
Хьо воцчунна корта тохарх а лар йе Ахь Со.
Моттарг1анаш лелорах ларйе Ахь со,харцдерг дийцарх мотт ларбе Ахь сан,хьарамчух б1аьргаш ларбе Ахь сан.
Я Аллах1, могшалла, ийман, тешам, дика 1амал, нахаца лела хаар, барт боьху ас Хьоьга сайна.
Я Аллах1, Хьайна мел дезарг кхочушдан ницкъ ло Ахь Суна.
Са куьг комаьрша де Ахь.
Г1ийлачун, мискачун куьг кховдош йо1 йе Ахь соьх.
Ше да,нана,йиш ваша,ц1ийнда,сайн доьзала реза дар,цера хьакъ д1а далар ло Ахь Суна.
Могуш,маьрша лела бе ахь Суна уьш.
Йохь1аьржонах,тешнабехках лар йе Ахь со.
Хьо реза вол дахар доьху ас Хьоьг сайна.
Хьайна мел цадезачух д1ахьовза ницкъ ло Ахь Суна.
Хьайна т1е болх биллар ло Ахь суна массо хуман т1ехь.
Хьайн Элчанан (Делера салам-маршалла хуьлда цунна) суннаташ кхочуш деш йо1 йе Ахь соьх.
Амин я Аллах1!!!