"Былыр дьахталлар оттуу сылдьан төрүүллэрэ, эн аһары айгыстаҕын","Оҕоҕун олус атаахтатаҕын", "аһары…

"Былыр дьахталлар оттуу сылдьан төрүүллэрэ, эн аһары айгыстаҕын","Оҕоҕун олус атаахтатаҕын", "аһары көтөҕөҕүн","сылаастык таҥыннарыаххын", "аһары сылааска иитэҕин", "уолгун атаахтатыма, кыыс курдук гыныаҥ","аһары оҕо эппитинэн сылдьаҕын", "аһары бэйэҥ эрэ тускунан саныыгын"...(Өссө туох диэнинэн толоруо этигит?)

Сүүс араас сүбэтээҕэр, хомуруйуутааҕар, хайҕыыр тыллар ордук өрө көтөҕөллөр диэн бигэ эрэллээхпин:

"Олус да маладьыастык оҕолору, дьиэни-уоту көрөҕүн"

"Мин эйигинэн киэҥ туттабын",

"көрө-көрө астынабын",

"маладьыас да ийэҕин",

"бэйэҥ туһунан умнубатыҥ хайҕабылллаах дьыала",

"Мин эйиэхэ эрэнэбин",

"Эн олус биһиэхэ күндүгүн"...(Өссө туох диэнинэн толоруо этигит?)

Итинник тыллары чугас дьоҥҥуттан истэр наһаа кынаттыыр, эдэр ийэни чуолаан.

Бу манна саамай астыга диэн ис-искиттэн бэйэҕэр туһааннаах итинник өрө көтөҕөр тыллар кэлэллэрэ.

Тугуҥ эрэ сатаммата, санаабытыҥ курдук астыктык ааспата, уонна искэр:

"Чэ буоллун, барыта чаҕылхай буолар кыаҕа суох буолааччы, эн миэхэ син биир күндүгүн, үчүгэйгин", диэн бэйэҕэр бэйэҥ этэр тылларыҥ тахсаллара астыыык...