Мамочки пусть будет вам во благо !🙏 "Я, Раббым! Маған жақсы әйел болуға жәрдеміңді берші! Сенің…

Мамочки пусть будет вам во благо !🙏

"Я, Раббым! Маған жақсы әйел болуға жәрдеміңді берші! Сенің жәрдеміңсіз бұл менің қолымнан келмейді. Мені өзімшілдіктен, шыдамсыздықтан, кейігіштіктен сақтап, оның орнын махаббатпен, кішіпейілділікпен алмастыршы.

Мені жаман әдеттерден, жаман көңіл-күйден, дөрекі сөздерден және өзімді ақтамақ ниетімнен сақташы! Әрі маған мейірімділік, жақсылық, адалдық, жұмсақтық беріп, жан толғанысымды (эмоция) тежеуді нәсіп етші!

Менің жүрегімнің қаттылығын емдеп, Күйеуім екеуміздің арамыздағы араздықтың қабырғасын бұзшы. Жүрегімді толық тазартып, ішін махаббатпен, тыныштықпен және қуанышпен толтыршы! Мен әлсіздіктерім мен жаман мінездерімді өзім жеңе алмаймын, тек Сен ғана мені өзгерте аласың!

Я, Аллаһым! Күйеуіме қатысты жасап жүрген күнәларымды маған көрсетші. Оны лайықты дәрежеде жақсы көріп, құрметтемегенім үшін және оған ашуланып, оның әр ісін сынап, кекшіл болғаным үшін мені кешірші! Маған реніштен, ашуланшақтықтан және көңілсіздіктен арылуға жәрдеміңді берші!

Күйеуім екеуміздің арамыздағы қарым-қатынасты жандандыршы және бір-бірімізді жатсынудан және Бізді ажырасуға апаратын баспалдақтарды басудан сақташы!

Я, Раббым! Маған күйеуімнің жанашыры және көмекшісі болуға жәрдемдесші. Ол үйге асыға келетіндей, үйімізді бейбіт, тыныш, махаббатқа толы мекенге айналдыруға маған көмектесші! Оның көзіне әрдайым тартымды болып көрінуім үшін, өз-өзіме күтім жасап, сұлулығымды сақтап қалудың ең керемет жолдарын көңіліме ұялатшы! Ақыл-ой және рухани тұрғыда бай, толыққанды Әйел болуға және жан-жары ретінде мақтана алатындай әйел болуға көмектесші.

Кез-келген істе келісімге келе алуымыз үшін, арамызға бірлік орнатшы. Отбасылық өміріміздің үлкен игілігі үшін, бір-біріміздің кемшіліктеріміз бен әлсіздіктерімізді байқамай, бірге еңбек етуге үйретші. Бізді бейбітшілікке ұмтылуға және бір-бірімізге тірек болуға үйретші.

Я, Раббым, мен Сенен, Саған және бір-бірімізге деген адалдығымыз күн сайын арта беруін сұраймын. Күйеуіме, Сенің бұйрығың бойынша үйдің басшысы болуға жәрдемдесші. Оны әрдайым қолдауға, құрметтеуге және оның отағасы ретіндегі міндетін орындауға көмектесуге маған жәрдеміңді берші. Оның жүрегінің қалауын түсінуге және оның пікірімен бөлісуге маған көмектесші. Келелі мәселелер (проблемы) пайда болмай тұрып, маған көрсетіп қойшы. Раббым, мені Өзіңнің Жәннатыңа лайықты әйел етші!