Кыра сылдьан биир дьүөгэлээх этим. Киирбит-тахсыбыт, туохтан да толлубат, загара сыл устатын тухары…

Кыра сылдьан биир дьүөгэлээх этим. Киирбит-тахсыбыт, туохтан да толлубат, загара сыл устатын тухары сылдьар, моонньоҕон курдук харахтардаах кыысчаан. Онтукайбын кытта сарсыардаттан киэһээҥҥэ диэри оонньоон элээрдии.

Арай биирдэ дьиэбит аттыгар баар оскуола площадкатыгар буоларын курдук онно-манна хатааста сырыттыбыт. Онно үрдүк баҕайы тэрил баар этэ. Туох диэн ааттаҕа эбитэ буолла. Ол саҕана санаабар оҕо эрэ барыта онно кирилиэһинэн ыттан баран, остуолбатыгар диэри сыыллан тиийэрэ уонна остуолбаны күүскэ кууһан баран үрдүктэн сырылаан түһэрэ. Мин туораттан толло уонна астына көрөрүм.

Ол күн дьүөгэм ол устуукаттан таах сыыҥын туора соттон кэбиһэ2 күлэ-сала сырылаа да сырылаа буолла. Үрдүккэ ыттан тахсар уонна бэт боростуойдук үөһэттэн остуолбаннан курулаан түһэр.

Мин ымсыырдым аҕай. Туох баар хорсуммун киллэрэн баран эмиэ түһэргэ сананным. Куттана2 ыттан таҕыстым. Остуолбабар нэһиилэ сыыллан тиийдим. Уонна остуолбабын күүскэ кууспакка эрэ түргэн аҕайдык сиргэ баар буола түстүм. Абытай да абытай. Тыыммын нэһиилэ ыллым. Дьүөгэм күлэн бөҕө, хайдах буоллуҥ дии-дии. Уонна хаһан да онно ыттыбатаҕым.

Дьиҥэ үчүгэй бэлэмнээх эрэ киһи онно ыттар баҕайыта эбит😄

Ол кэннэ соччо-бачча наадыйбакка сылдьыбытым. Улаатан, үлэһит, ыал буолан, оҕолордоммутум кэннэ ол ыарыым үчүгэй аҕайдык биллэрэр. Мрт былырыын түспүтүм: застарелая травма грудного позвонка диэн оҕо сааһым хорсун биир тоноҕоһо харааран аҕай сылдьар.

Ол иһин билигин сылайдым даҕаны көхсүбүнэн киирэр.

Арааһы боруобалаатым: бассейн, фитнес, растяжка, араас эрчиллии.

Уонна билигин Атмосфера диэн йога студията баар дии. Онно "Здоровая спина" диэҥҥэ сылдьан астынааа аҕай сылдьабын ттт🙌🏻🥰

Көхсүлэрэ сылайар, ыалдьар дьоҥҥо сүбэлиибин, улахан хааччаҕа суох буоллаххытына боруобалааҥ❤️

Санаабар көхсүм олус чэпчиир, өрө тыынар, үөрэр.

Уонна төһө да хорсун кыысчаан буолларбын, кыралаан киирсэрбин, ылсарбын санатар. Киһи тута үрдүккэ дабайбат. Аа-дьуо да буоллар биир кэм иннин диэкки.