Шынайы сұлулықты қайдан іздеу керек?

✨СҰЛУ БОЛҒЫҢЫЗ КЕЛЕ МЕ?

⠀

🌸Барлық адамның сұлу болғысы келетіні рас. Әйелдер сұлу, тартымды болуы үшін әртүрлі күтім жасайды. Косметика пайдаланады. Ер адам да көрікті болып жүруді қалайды.

Бірақ ең негізгі сұлулық – жанның сұлулығы екеніне ешкімнің де таласа алмасы анық.

⠀

🔻Сіз мына нәрсені білесіз бе?

⠀

🌸Егер адамның жан дүниесі сұлу, жүрегі таза болса, оның жүзі де жылы әрі көркем болады. Өйткені, жүректегі иман міндетті түрде адамның бетіне, жүзіне шығып тұрады.

Іші таза, иманы бекем адамға Алла Тағала ерекше әсемдік, нұр, береке беріп қояды!

⠀

🌸Сондықтан адамды көрікті етіп көрсететін – оның иманы, бойындағы ар-ибасы, ұяты екенін білгеніміз жөн. Жүрегі сұлу адамды жүректер жақсы көреді, ал беті сұлу адамды тек көздер жақсы көреді.

«Көздер ұмытпасын десең, әдемі киін, ал көңілдер ұмытпасын десең, ішкі иманыңды дұрыста» деген сөз содан қалған.

Осыны меңзеген Абай ақын да:

Әуелі тазалап ал іштің кірін,

Болмасын сыртың сұлу, ішің – ірің, - деген екен.

⠀

🌸Сондықтан шынайы сұлулықты өлшейтін көз емес, жүрек екенін ескере жүрейік.