22.01.2019 таңертен тұрғаннан өзімді жайсыз сезіндім. Ол аздай бөлмелерді тараканға қарсы дәріледі. Аяқтарым ісіп…

22.01.2019 таңертен тұрғаннан өзімді жайсыз сезіндім. Ол аздай бөлмелерді тараканға қарсы дәріледі. Аяқтарым ісіп кеткен, жүруге шамам жоқ. Амал жоқ асханада отыруға тура келді. Отырған сайын аяғым ісіп жатыр, басым ауырып тұр, медбикеге барып давлениямды өлшеттім,- жақсы деді. Шыдай алмаған сон палатаға кіріп жатып қалдым, дарінің иісі деген...

Кеш батқанда ояндым, басым ауырып тұр, жаймен сыртқа шықсам медсестра кезекші врачқа менің анализімнің нашарлағанын айтып жатыр екен. Менде басым ауырып жатқанын айттым. Палатаға кіргізіп давлениямды өлшеді 170/100. Реанимацияға ауыстырамыз деп реаниматолог дәрігерді шақыртты. Мен қорқып отырмын, себебі қасымда реанимациядан ауысып келген қыздар қорқынышты деп қорқытып тастаған еді... Реаниматолог келіп сұрақтар қоя бастады мен осында боламын деп әзілдеп отырмын күліп, анализме қарап,- бұл қызды реанимацияға емес, армияға жіберу керек ,- деп күліп палатада қалдырып кетті, мен қалғаныма қатты қуандым. (Осы кезге дейин анализ жақсы шыққан еді). Реаниматолог кеткен сон,-ертенге планывый операцияға қоямыз-деп айтты. Мен алдымен ертен келсин көреміз деп-өз еркіммен бас тартамын,-деп әдемілеп жазып бердім🤣.

Ал, таң атты біркезде бөлім басшысы келіп сені бүгін босандыратын шығармыыыз деп айтып кетті. 🤔Ал мен жолдасыма хабарласып мүмкің бүгін деп жатыр ойласып көреді екен деп жүргенімде кушетка кеп тұр операцияға кеттік деп. Ойбай маған кеп тұр деп телефонды қойып дайындала бастадым, кешегі отказымды қайтейін бір адам оған қараған жоқ.😊

Операция залына да бардым....

Анестезиолог іші үлкендерден қорқам,- деп азілдеп қояды, қозғалуым қиын болғаннан соң шығар. Белден берілген наркозбен операция басталды. Мен барін біліп жатырмын. Біріншісі ұл, екіншісі ұл, үшіншісі не екен деп қояды. Мен олда ұл узи айтқан деп қоям.соныммен операция аяқталды, балдарды алып кетті, врачта шығып кетті, мен жатырмын еш жерім ауырмайды ештене сезбеймін. Бір кезде денем түршігіп жаурай бастадым. Жоғалтқан қан мөлшері 2.4 литр дегенде ойыма келген бірінші нарсе Денис Тен сиақты өліп қалсам, балдарыма кім қарайды, ата-анам қарапайым адамдар 3 баланы бағуға шамасы келема?, жұбайым басқа айелге уйленсе балдарыма өгейлік қылмайма?

Сол кезде бөлім басшылығы келіп екінші операцияны бастайтынын айтты, ал менің қолдарым суп-сұр болып қалтырап жатырмын( тұра кинодағыдай). Сонымен кислоротпен наркоз берді. Мен ұйқыға кете бастадым........