ЖАҢА ЖЫЛМЕН ҚҰТТЫҚТАМА СЕН МЕНІ!

Жыл он екі ай жасыл түстің өрнегі,
Сұлу шырша таң қалдырған пендені.
Тамырына балта шабар шыршаның,
Жаңа жылмен құттықтама сен мені.

Мұсылманмын құбыласы жердегі,
Қағбатулла Мекке деген төрде еді.
Қағбаны емес айналдырған шыршаны,
Жаңа жылмен құттықтама сен мені.

Қытайларға санап беріп теңгені,
Отшашу да еріккеннің ермегі.
Отшашумен оттегімді ластаған,
Жаңа жылмен құттықтама сен мені.

Тәкәппар ғып пісіретін кеудені,
Көр азапқа себеп болар көрдегі.
Шайтан судан ішіп тұрып тост айтар,
Жаңа жылмен құттықтама сен мені.

Алла жалғыз! Тумады да өлмеді.
Иса – оның баласы емес! Пенде еді.
Туған күнін тойлайтұғын «Құдайдың»
Жаңа жылмен құттықтама сен мені.

Ұзак болды бұл қауіптің төнгені,
“Не ол” десең? Баяндайын кел бері
“Қағба” емес, шырша айналды қазақтар.
Ұят болды имансызға ергені.

Аяз ата арманымды орында,
-деген сөзді жас балалар ерледі.
Салют атып ластауменен ауаны,
Ақсақалдар далада жүр төрдегі.

Шампан атып, арақ ішіп үлкендер,
“Қуаныш” деп билеуменен терледі.
Соқыр болып салюттардан біреулер,
Бұрынғыша кен даланы көрмеді.

Аяқ алып жүре алмайсың ол күні,
Тасталынған қоқыстардан жердегі.
“Иса құдай” туылған ғой деп жүрген,
Орыстардың мерекесі, сенгені.

Істер үшін дәл осылай жасалған,
Не болады жағдайымыз көрдегі.
Түсінерсің бұл сөзіммен замандас,
Мен өзіңді еш ренжіткім келмеді.

Біз тойлайтын мереке емес жаңа жыл,
Емеспіз біз шайтандардың ермегі.
“Ораза айт” бар, “Кұрбан айт” бар мереке,
Сол күндерің жаңа жылмен тең бе еді?

Ай бірақтан жаңа жылың озуда,
Біраз болды жеңісін де көргелі.
Бір Алладан тілеттірмей тілекті
Азғындатады ол мереке пендені.

“Дед морозбен” теңестіру Құдайды
Ол шайтанның бізге салған өрмегі
Өз салтыма, хақ дініме берікпін
Бос мереке жүрегімді жеңбеді.

Мен қазақпын, мұсылманмын, сондықтан,
Жаңа жылмен құттықтама сен мені.