İstəyirəm bir oğlum olsun...

İstəyirəm bir oğlum olsun...

Gəlib, desin ki: "Mama, bir qız sevirəm, evlənmək istəyirik!"

Soruşmayım haralıdır?

Kimlərdəndir?

Nə millətidir?

Neçə yaşı var?

Dərisinin rəngi nədir?

Bəs siyasi baxışı?

Evli olub? Boşanıb? Qız uşağıdır? Əlinə kişi əli dəyib? Uşağı var?

"Ya o, ya mən!" deməyim. Yalandan ürəyimi tutub, gündə 3 dəfə yıxılıb, "skoru" çağırmayım. Falçılara gedib, ətək-ətək pul töküb, sevənləri cadu ilə ayırmayım. "Sən o qızı alsan, mən öləcəm!" deyib, şantaj eləməyim. "Biz dediyimiz, biz tapdığımız qız ilə evlənəcəksən!" söhbəti eləməyim.

Bircə "Xoşbəxtsən?" sualını verim. "Hə!" desin...

İstəyirəm bir oğlum olsun!

Xoşbəxt olsun!