Ватсабынан кэлбит наһаа үчүгэй сүбэ. Автора биллибэт. 📌Олох олорбут, үрүҥү хараны билбит, саха…

Ватсабынан кэлбит наһаа үчүгэй сүбэ. Автора биллибэт.

📌Олох олорбут, үрүҥү хараны билбит, саха борустуой дьахтара тугу билбитин, эдэр дьоҥҥо сүбэ курдук тиэрдиэхпин баҕарабын📢

1⃣.Киһи бу сиргэ, биирдэ эрэ кэлэн барарынан, биир да күнү, биир да чааһы былааннаан, харыстаан олоруҥ.

2⃣.Кыыһырар да кэмҥитигэр, тылынан мээнэ быраҕаттанымаҥ, тыл сэттээх, бэйэҕэр кэлбэтэҕинэ оҕоҕор кэлиэ.

3⃣.Кэргэҥҥитин оҕо, дьон истэригэр хаһан да куһаҕаннык саҥарымаҥ. Кэргэҥҥин убаастыаҥ, дьон эмиэ убаастыа. Эн убаастаабат буоллаххына, атын киһи тоҕо убаастыай.

4⃣.Кирдээх таҥаһы таҥныма, дьиэ кэргэҥҥэр эмиэ таҥыннарыма, киргэ куһаҕан барыта сыстар. Оннооҕор былыр дьон айаннаан кэллэҕинэ, кирэ да суох буоллар, таһырдьа тэбэнэн киирэрэ. Дьиэни, дьиэҥ таһын ыраастык тут, кирдээх буолуоҥ, дьон куһаҕан санаата барыта иҥиэ.

5⃣.Оҕоҕутун, оҕоттон итэҕэс хаһан да таҥыннарымаҥ, сирэйин хараҕын, таҥаһын сууйа, ыраастыы сылдьыҥ, кирдээх оҕону кыра оҕоттон тиийэ сирэллэр, ол оҕоҕо олоҕор наһаа охсуулаах, киһи бары сэнии сылдьар киһитэ буолуо.

6⃣.Дьиэҕэ, таһырдьа тус туспа таҥас таҥныҥ, оҕону эмиэ оннукка үөрэтиҥ.

7⃣.Дьиэ үлэтин дьахтар, эр киһи үлэтэ диэбэккэ, тэҥҥэ оҥоро үөрэниҥ, оҕо көрөн үөрэнэр. Аҕата иһит сууйар буоллаҕына, уол оҕо иһит сууйуо, дьахтар биэдэрэ тоҕор буоллаҕына, кыыс оҕо эмиэ оннук гыныахтаахпын диэҕэ.

8⃣.Дьиэҕэ алдьаммыты, сааһырбыты тутума, дьол тохтообот диэн буолар. Олоппос, остуол дьаадьаҥныыра олох тирэҕэ суох буоларыгар дииллэр.

9⃣.Оҕо истэригэр,дьону саҥарыма, кырдьаҕаска убаастабыллаахтык сыһыаннас, эн эмиэ кырдьыаҥ. Эн кырдьаҕаһы убаастаабат буоллаххына, оҕоҥ эйигин кырдьар сааскар эмиэ убаастыа суоҕа.

🔟.Айылҕаҕа элбэхтик сырыт, оҕолору эмиэ оннукка үөрэт.

♻Куһаҕаны ыралаама, дьоллоохпун дии сырыт, оччоҕо дьоллоох буолуоҥ.