Г1иллакхе верг наха лору,
«Дукха ваха!» - цуьнга олу.
Г1ортор хила г1ийлачунна,
Г1оьнча хила жимачунна.
Г1атта веъча вокханниг-
Г1иллакх ма ду коьртаниг!
Лела ца хиъна нускал, олла баьхьна яй санна, духадеъна.
Марцхошца къийсина нус ц1ийнах яьлла.
Несана хьекхийна цергаш к1антана яхна.
Нуц валар - арахьара вон, нус ялар - чоьхьара вон.
Сунцхой а, ненахой а ца лоруш верг лай лерина.
Чохь ца хилла сий - арахь а хир дац.