Мамлайф — приложение для современных мам

Наһаа үчүгэй күн бүттээээ 🥳 Аҕам бүгүн 50 сааһын туолла А…

Наһаа үчүгэй күн бүттээээ 🥳
Аҕам бүгүн 50 сааһын туолла
Айылҕаҕа баран дэлби сынньанныбыт, аһаатыбыт, сөтүөлээтибит ❤️

Сарсыарда бары айманыы, быыһыгар этиһии диэбит курдук тэриммиппит 🤣

Ол да буоллар, хаһан да умнуллубат, дьоллоох күн буолла ☺️

Иккис ийэм дьоно наһаа даҕаны сырдык дьоннор, кыра аайы үөрэллэр, дьоҥҥо үчүгэй өттүн көрөллөр, кими даҕаны саҥара, үөҕэ сылдьыбаттар, киһиэхэ барытыгар истиҥник, аһаҕастык сыһыаннаһаллар 😊

Аны киһи сөҕөрө, кинилэр аймахха кыһалҕа буоллаҕына бары баар буола түһэллэр, бары бэйэ бэйэлэрин олус өйөһөллөр. Холобур, дьиэ тутуута буоллаҕына бары хомулла түһэн, чугастан ыраахтан айаннаан кэлэн, начаас дьиэни дэндэтэ охсоллор. Иннэ гынан бу халыҥ аймах олорор дьиэлэрин бары бииргэ тутуһан туппуттара. Биһиги олорор дьиэбитин биир нэдиэлэ иһигэр сүүрбэччэ эр киһи муста охсон начаас туппуттара, оннук курдук Бүлүүчээҥҥэ, куоракка эмиэ хас да дьиэ тутуллубута. Бу сайын куоракка эмиэ биир убайым дьиэтэ тутуллар диэбит курдук.

Үөрүү буоллаҕына эмиэ бары үөрүүнү үллэстэ начаас муста охсоллор. Холобур, ким эмит оҕолонноҕуна киһи бары үөрэр-көтөр, эҕэрдэлиир, субу-субу оҕо хайдах улаатан иһэрин ыйыталлар, сүбэ-ама биэрэллэр, ыраахтан, чугастан кырачааҥҥа бэлэх ыыталлар. Эбэтэр, холобур, ким эмит үөрэҕин бутэрдэҕинэ эбэһээт эҕэрдэлииллэр, бадаарактыыллар, төрөөбүт күннэри саныыллар, кими да умнубаттар уонна да маннык салгыы суруйа туруохха сөп.

Мин олохпор өссө маннык аймахтары көрсө иликпин. Билиҥҥи үйэҕэ аймахтар үксэ аҥардас батсаап эрэ нөҥүө алтыһар кэмнэрэ кэлэн турар, утары көрсөн кэпсэтии, бииргэ алтыһыы кыччаата дии саныыбын. Батсаап бөлөҕөр ким эмит эҕэрдэлээтэҕинэ эрэ кыттыспыта буолаллар диэбит курдук. Эрийэн кэпсэтии, сүбэлээһин, өйөөһүн, кыһалҕаҕа тиийэн кэлэн тэҥҥэ көмөлөсүһүү эҥин наһаа аҕыйаата курдук.

Ол иһин бу маннык аймахтардаахпыттан олус даҕаны үөрэбин. Киһи маннык дьону кытта сылдьан сырдыкка тардыһар, элбэххэ үөрэнэр, өйөбүллээҕин, кэннигэр дьоннооҕун өйдүүр.

Онтон эһиги хайдах аймаххытый? Төһө бэйэ бэйэҕитин өйөһөҕүт? Төһө элбэхтэ көрсөҕүт?)

Комментарии

— Наьаа учугэй ди халын аймах диэн😍☺️

— хата икки оттубутуттэн аймах элбэх буолан саныырга да учугэй😍ийэм оттуттэн бииргэ торообуттэр эмиэ элбэхтэр, кэргэним агатынан бииргэ торообут сыалай уончалар🤩

— мин кэргэним дьоно Сунтаардар эмиэ инниктэр оруобуна, халын аймах😍🙏 Булуучээн диэн Сунтар бытта?

— @dana.osa от кэмигэр игин мусталлар агай💪 улахан улэ игин тумэр агай аймахтары бииргэ муьан

— @efr.svetlana, ити дьонум эмиэ инниктэр, бары начаас муста түһэллэр, окко эҥин үксүн сүүрбэччэ эҥин буолан бараллар уонна биир күнүнэн бүтэрэ эҥин охсоллор ☺️
Сүрдээх үлэһиттэр уонна түмсүүлээхтэр ☺️

— @dana.osa, мин ийэм оттунэн аймахтарбын кытта чугаспын, Сунтардар) эмиэ наар билсэбит, корсобут диэбит курдук, онтон агам оттунэн тонуй багайылар, кэпсэтэ да сатаабаппын

— У нас все сложно 😕 инник аймахтаныахпын багарабын 🙏🏼😌

— А так син билсэҕит быһылаах ди?)
Эдьиийдэргин эҥин кытта субу субу көрсөҕүт ди? 😊
Синбиир все идеально буолбат буоллаҕа, ханна эмит өһүргэнсии, кыыһырсан ылыы эҥин баар буолар, эрээри ону хайдах ааһаргыт бэйэҕититтэн тутулуктаах диэбит курдук

Көннөрү бэйэ-бэйэни өйдүү уонна өйүү сатааһын баар буолуохтаах быһылаах

— Наьаа учугэй ди☺️Аймахтарым агыйахтар, ийэм тулаайах буолан. Син керсер этибит, онтон ыал буолан баран бырааьынньыктарга эрэ буолбута😅

— Бырааһынньыктарга диэн холобур сылга хаста?)
Дьиҥэр аҕыйах аймах буоллахха көрсөргө быдан судургу буоллаҕа 😊
Билсэн иһиэххэ наада эбит, бу кэлин дьэ өйдөөн эрэбин

— @dana.osa, 1-2😅